អ្នកស្រាវជ្រាវអាល្លឺម៉ង់ផលិតប្រព័ន្ធ Sensor អាចពិនិត្យមើលផ្ទៃពោះដោយប្រើទូរសព្ទ ~ KAS4UAll

អ្នកស្រាវជ្រាវអាល្លឺម៉ង់ផលិតប្រព័ន្ធ Sensor អាចពិនិត្យមើលផ្ទៃពោះដោយប្រើទូរសព្ទ

ថ្មីៗ នេះ ក្រុមអ្នកស្រាវជ្រាវនៅឯមជ្ឈមណ្ឌលស្រាវជ្រាវ HOT សាកលវិទ្យាល័យ Hanover របស់អាល្លឺម៉ង់ បានផលិតប្រព័ន្ធ Sensor អុបទិក ដែលមានសមត្ថភាពអាចឲ្យអ្នកប្រើប្រាស់ធ្វើតេស្ដដើម្បី ពិនិត្យមើលថាតើមានផ្ទៃពោះឬអត់ និងត្រួតពិនិត្យមើលពីជម្ងឺទឹកនោមផ្អែមដោយការប្រើទូរសព្ទ Smartphone។

Pregnancy-tests

យោងតាមអង្គការ OSA បានឲ្យដឹងថាប្រព័ន្ធ Sensor នោះ នឹងដំណើរការនៅលើកម្មវិធីនៅលើទូរសព្ទ smartphone ហើយវានឹងបង្ហាញលទ្ធផលភ្លាមៗបន្ទាប់ពីធ្វើតេស្ដរួច។

អ្នកប្រើប្រាស់ Smartphone អាចធ្វើតេស្ដទៅលើសារធាតុរាវក្នុងរាងកាយ ដូចជាឈាម ទឹកមាត់ ទឹកនោម ញើស ឬ ខ្យល់ដង្ហើម។ មិនត្រឹមតែអាចធ្វើតេស្ដមើលពីជម្ងឺនិងផ្ទៃពោះនោះទេ វាអាចដំណើរការជាមួយប្រព័ន្ធ GPS លើ smartphone ដើម្បីណែនាំអ្នកប្រើប្រាស់ទៅកាន់កន្លែងលក់ ថ្នាំ មន្ទីរពេទ្យ ឬ រថយន្តសង្គ្រោះបន្ទាន់បានថែមទៀតផង។

ចំពោះព័ត៌មានលម្អិតបន្ថែម និងដំណើរការនៃការប្រើប្រាស់នឹងបញ្ជាក់បន្ថែមនៅពេលវាប្រកាសជា ផ្លូវការក្នុងពេលឆាប់ៗខាងមុខនេះ៕

Smartphone

ប្រភព Sabay News

Monday, July 6, 2015