ការដាក់ឲ្យដំណើរការជាផ្លូវការប្រព័ន្ធប្រតិបត្តិការជំនាន់ ថ្មីរបស់ក្រុមហ៊ុន Microsoft គឺ Windows 10 នឹងចាប់ផ្ដើមនៅថ្ងៃទី២៩ ខែកក្កដាខាងមុខនេះ។ ប៉ុន្តែក៏នៅមានមនុស្សមួយចំនួននៅតែបន្តប្រើ Windows 7 នៅឡើយដោយមិនខ្វល់ពីការ Update នោះឡើយបើទោះបីជាក្រុមហ៊ុន Microsoft ផ្ដល់ការ Update ដោយឥតគិតថ្លៃក៏ដោយ។
ដូច្នេះបើយើងធ្វើការប្រៀបធៀបរវាង Windows 10 និង Windows 7 ឃើញថា Windows 10 គឺមានលក្ខណៈល្អជាង តើយើងនៅបន្ដប្រើប្រព័ន្ធប្រតិបត្តិការចាស់ដដែលឬ?
ល្បឿនដំណើរការ
ចំពោះល្បឿននៃការ Bootup ចូល Windows នៅលើ Windows 10 គឺមានលឿនជាង Windows 7។ ជាមួយគ្នានោះដែរ នៅលើ Power Management ក៏ត្រូវបានបង្កើនសមត្ថភាព ដែលអាចរក្សាថាមពលប្រើប្រាស់បានយូរជាង។
ការឌីស្សាញ
ជាមួយនឹងការឌីស្សាញ Windows 10 បន្តការផ្លាស់ប្ដូរជាមួយនឹងផ្ទៃ Background, រូប icon និង Feature របស់ប្រព័ន្ធផ្សេងៗទៀត ជាពិសេសទៀតនោះគឺវាមានលក្ខណៈច្បាស់ជាង។ ប៉ុន្តែសម្រាប់ Feature មួយចំនួនគឺនៅដូចជំនាន់មុនដដែល ដូចជានៅក្នុង Control Panel គឺនៅតែប្រើ icon ចាស់ដដែល។
កន្លែងស្វែងរក (Search)
ចំពោះការស្វែងរកឯកសារ ឬកម្មវិធីណាមួយនៅក្នុង Windows 7 គឺបានផ្ដល់ភាពងាយស្រួល ដោយវានឹងបង្ហាញខ្លួនខណៈពេលអ្នកកំពុងវាយអក្សរ។ ប៉ុន្តែនៅលើ Windows 10 បានបន្ថែមនៅ Windows Store Apps និង Web Search, និងកន្លែងបង្ហាញលទ្ធផលស្វែងរក រៀបចំបានល្អជាង។ បន្ថែមទៅទៀតនោះ នៅពេលចុចលើ Search Box វាក៏បានបង្ហាញពីព័ត៌មានថ្មីៗមួយចំនួនដូចជាអាកាសធាតុ និងព័ត៌មានជាច្រើនផ្សេងៗទៀត។ Search នៅលើ Windows 10 ក៏បានបញ្ចូលនៅបច្ចេកវិទ្យាស្វែងរកដោយប្រើសំឡេងដូចជា Cortana ថែមទៀតផង។
File Management
File Management នៅលើ Windows 7 គឺមានលក្ខណៈធម្មតាទាំងការឌីស្សាញ និងការប្រើប្រាស់។ ជាមួយនឹង Windows 10 វិញ នៅលើ File Explorer គឺមានប៊ូតុង Up ហើយនៅលើ Menu ផ្នែកខាងលើគឺត្រូវបានរៀបចំមានលក្ខណៈងាយស្រួលក្នុងការស្វែង រក និងចុច។
បន្ថែមទៀតនោះ ក៏មានប៊ូតុង Share ដែលបន្ថែមភាពងាយស្រួលក្នុងការប្ដូរ File ពីកម្មវិធីផ្សេងគ្នាដូចជា Outlook, Dropbox ឬ Skype។ ចំពោះផ្ទាំង Copy ក៏ត្រូវបានរចនារូបរាងថ្មីដែរ។ នៅពេលផ្ទេរ File វានឹងបង្ហាញល្បឿន ទំហំ ពេលវេលា ហើយក៏មានប៊ូតុង Pause ថែមទៀតផង ហើយក៏នៅមានការឌីស្សាញថ្មីទៀតដែរលើ Windows 10 ដើម្បីផ្ដល់ភាពងាយស្រួលក្នុងរៀបចំ Drive ឲ្យមានសណ្ដាប់ធ្នាប់ដូចជាអ្នកប្រើប្រាស់អាចដាក់ Drive ច្រើនជាក្រុមឲ្យមានទម្រង់ជា Drive តែមួយក៏បាន។
ដំណើរការហ្គេម
ចំពោះល្បឿននៃការលេងហ្គេមវិញ Windows 10 គឺមានល្បឿនយឺតជាង ០,៥% បើប្រៀបជាមួយ Windows 7 ជាពិសេសប្រភេទហ្គេមចាស់ៗដូចជា Crysis 3 ជាឧទាហរណ៍។ ប៉ុន្តែ Windows 10 បានបន្ថែមនៅលក្ខណៈថ្មីៗមួយចំនួនដែរ ដោយវាអាចដំណើរការ Xbox Live account, Stream ហ្គេមពី Xbox ទៅ PC និងមានអាចលេងបានច្រើនគ្នាដោយអាចលេងបានទាំងលើ PC និង Xbox ។ បន្ថែមទៀតនោះ វាអាច Record និង Snapshot ហ្គេមថែមទៀតផង។ Windows 10 ក៏បានភ្ជាប់មកជាមួយនឹងលក្ខណៈដើម្បីបង្កើនគុណភាពក្រាហ្វិក និងសំឡេងផងដែរ។
Notifications
បើយើងប្រៀបធៀប Notifications នៅលើ Windows10 គឺត្រូវបាន Update ខុសពីជំនាន់មុន ដោយវានឹងបង្ហាញពី Popup messages ព័ត៌មានផ្សេងៗពី Outlook, Dropbox និង Spotify ជាដើម។ ជាមួយគ្នានេះដែរ នៅលើផ្ទាំង Notifications ថ្មីលើ Windows 10 បង្ហាញទាំងសាររបស់ប្រព័ន្ធ និង App notifications នៅក្នុងកន្លែងតែមួយ។ បន្ថែមទៀតនោះ ផ្ទាំង Notifications ក៏ផ្ទុកនូវមុខងាររបស់ប្រព័ន្ធមួយដែលអាចប្ដូរ Tablet mode ឬដំណើរការទៅ Settings screen។
Workspace Management
Windows 7 អាចដំណើរការបាន ជាមួយនឹង Multi-monitor ប៉ុន្តែការប្រើប្រាស់របស់វាគឺមានកំណត់។ តែជាមួយនឹង Windows 10 វិញ មុខងារនេះគឺត្រូវបានរចនាបន្ថែមដោយ Monitor ផ្សេងគ្នា គឺមាន Background ផ្សេងគ្នា និង Slideshows ផ្សេងគ្នាដែរ។
តាមការប្រៀបធៀបខាងលើ វាពិតជាបានបង្ហាញថា Windows 10 គឺមានលក្ខណៈល្អៗច្រើនជាងក៏ដូចជាបានរចនាមុខងារថ្មីជាច្រើនលើ មុខងារចាស់៕
ប្រភព Sabay News
8:14 AM
Unknown
Posted in: 
