Ezecom App ជាកម្មវិធីក្នុងស្រុកថ្មីមួយដែលអនុញ្ញាតឲ្យអ្នកប្រើប្រាស់ អាចចូលទៅមើលរូបភាពបន្តផ្ទាល់ពីកាមេរ៉ាចរាចរណ៍នៅក្នុងរាជធានី ភ្នំពេញបានយ៉ាងងាយស្រួលនៅលើទូរសព្ទដៃ រួមជាមួយមុខងារប្រើប្រាស់ដ៏មានប្រយោជន៍ជាច្រើនទៀត។
អ្នកស្រី Inge olde Rikkert ប្រធានផ្នែកទីផ្សារក្រុមហ៊ុន Ezecom ជាក្រុមហ៊ុនឧបត្ថម្ភគាំទ្រសម្រាប់ការបង្កើតកម្មវិធីនេះបានឲ្យដឹង ថា Ezecom App មានមុខងារពិសេសដែលអាចឲ្យអ្នកប្រើប្រាស់ទាញយករូបភាពបន្តផ្ទាល់ ពីកាមេរ៉ាចរាចរណ៍ ដែលមានបំពាក់នៅតាមដងមហាវិថីធំៗ ក្នុងរាជធានីភ្នំពេញ។ លើសពីនេះទៀត កម្មវិធីនេះក៏ផ្តល់ឱ្យអ្នកប្រើប្រាស់នូវមុខងារស្តាប់វិទ្យុបាន យ៉ាងច្បាស់ ក៏ដូចជាទទួលបានព័ត៌មានថ្មីៗផងដែរ។
“ចាប់ពីថ្ងៃនេះទៅអ្នកប្រើប្រាស់ទូរសព្ទស្មាតហ្វូនទាំងដំណើរ ការប្រព័ន្ធប្រតិបត្តិការ Android និងប្រព័ន្ធប្រតិបត្តិការ iOS អាចចូលទៅទាញយកនិងប្រើប្រាស់កម្មវិធី Ezecom App បានដោយសេរី និងឥតគិតថ្លៃពី Play Store និង App Store”។ លោកស្រីបញ្ជាក់។
ការបង្កើតកម្មវិធី Ezecom App នេះបានចាប់ផ្ដើមកាលពីខែកុម្ភៈកន្លងទៅនេះ ដោយក្រុមជំនាញអភិវឌ្ឍកម្មវិធីទូរសព្ទក្នុងស្រុកមួយ ក្រោមការឧបត្ថម្ភពីក្រុមហ៊ុន Ezecom។
អ្នកស្រីសង្ឃឹមថា ការបង្កើតកម្មវិធីនេះនឹងរួមចំណែកសម្រួលការលំបាកដល់ពលរដ្ឋក្នុង ការការធ្វើដំណើរ ក៏ដូចជាបានរួមចំណែកបំផុសគំនិតច្នៃប្រឌិតថ្មី សម្រាប់ក្រុមអ្នកបង្កើតកម្មវិធីទូរសព្ទក្នុងប្រទេសកម្ពុជា។
ក្រុមហ៊ុន Ezecom ត្រូវបានបង្កើតឡើងនៅឆ្នាំ ២០០៧ និងបានប្រែក្លាយជាក្រុមហ៊ុនផ្ដល់សេវាសារគមនាគមន៍ឈានមុខគេមួយនៅ កម្ពុជា។ កាលពីពេលកន្លងទៅនេះ Ezecom បានចុះហត្ថលេខាលើគម្រោងខ្សែកាបក្រោមបាតសមុទ្រ MCT ដែលអាចជួយឲ្យបណ្ដាញអ៊ីនធឺណិតនៅកម្ពុជា មានល្បឿនកាន់តែលឿន និងមានស្ថិរភាពល្អ។
ប្រភព Sabay News
8:13 AM
Unknown
Posted in: 
