ខ្សែ បម្រើជម្រើសជាតិប្រេស៊ីល Willian របស់ក្លិប Chelsea បានលើកឡើងថា ខ្លួនចង់ឲ្យក្រុមសាំបា ប៉ះអាហ្សង់ទីន នៅវគ្គពាក់កណ្ដាលផ្ដាច់ព្រ័ត្រ Copa America និងដើម្បីជួបតទល់ជាមួយ Lionel Messi របស់ក្លិប FC Barcelona។
កីឡាករវ័យ២៦ឆ្នាំ របស់តោខៀវ បានសរសើរដល់ Messi ថាជាកំពូលកីឡាករពិភពលោក និងជា idol របស់មនុស្សជាច្រើន ហើយវាពិតជាអស្ចារ្យ បើបានលេងទល់នឹងតារាឆ្នើមវ័យ២៨ឆ្នាំ។
Willian បាននិយាយថា៖ “Messi ជា idol សម្រាប់មនុស្សជាច្រើន ជាកីឡាករម្នាក់មានសមត្ថភាពអស្ចារ្យ ដែលអាចឈ្នះពានកីឡាករល្អបំផុតពិភពលោក ៤សម័យកាល។ ប្រាកដណាស់ ខ្ញុំចូលចិត្តមើលគាត់លេង ហើយគាត់ជាកីឡាករម្នាក់ ដែលនៅពេលអាហ្សង់ទីនលេង មានមនុស្សជាច្រើនផ្ដោតអារម្មណ៍ទៅការលេងរបស់គាត់”។
អតីតកីឡាករឆ្នើមក្រុម Shakhtar Donetsk រូបនេះ បន្ថែមទៀតថា៖ “វាជារឿងអស្ចារ្យមួយ បើបានលេងឲ្យប្រេស៊ីល ទល់នឹងអាហ្សង់ទីន ហើយបើវាកើតឡើងមែន វាពិតជាល្អបំផុត។ គ្រប់គ្នាចង់លេងទល់នឹងអាហ្សង់ទីន។ យើងបានត្រៀមខ្លួនរួចហើយ បើគ្រប់យ៉ាងអាចកើតឡើងមែន ប៉ុន្តែយើងត្រូវតែផ្ដោតអារម្មណ៍ធ្វើឲ្យបានល្អ នូវប្រកួតបន្ទាប់សិន”។
ក្រុមប្រេស៊ីល និងអាហ្សង់ទីន បានឡើងដល់វគ្គ៨ក្រុមចុងក្រោយ Copa America ហើយ ដោយអាហ្សង់ទីន នឹងត្រូវប៉ះកូឡុំប៊ី នៅព្រឹកថ្ងៃសៅរ៍ស្អែក ម៉ោង០៦:៣០ (កម្ពុជា) ខណៈដែលសាំបាប្រេស៊ីល នឹងត្រូវប៉ះប៉ារ៉ាហ្គាយ នៅព្រឹកថ្ងៃអាទិត្យ ម៉ោង០៤:៣០ (កម្ពុជា)៕
ប្រភព Sabay News
2:03 AM
Unknown
Posted in: 
Post a Comment
0 comments
Dear readers, after reading the Content please ask for advice and to provide constructive feedback Please Write Relevant Comment with Polite Language.Your comments inspired me to continue blogging. Your opinion much more valuable to me. Thank you.