អ្នក គាំទ្របាល់ទាត់ប្រហែល ១៥០នាក់ នៅខេត្តពោធិ៍សាត់ បាននាំគ្នាទស្សនាការប្រកួតបាល់ទាត់ស៊ីហ្គេមរវាងក្រុមជម្រើស ជាតិ U-23 កម្ពុជា និងក្រុមបាល់ទាត់ជម្រើសជាតិ U-23 ហ្វីលីពីនទាំងភ្លៀង កាលពីយប់មិញនៅកីឡដ្ឋានបាល់ទាត់ខេត្តពោធិ៍សាត់។
អ្នកគាំទ្រ មកមើលបាល់ទាត់កាលពីយប់មិញ
លោក ថន សុធារុណ អ្នកសម្របសម្រួលទូទៅក្នុងការរៀបចំបញ្ចាំងស្លាយពីការប្រកួតបាល់ ទាត់របស់ក្រុមជម្រើសជាតិ U-23 កម្ពុជានិងក្រុម U-23 ហ្វីលីពីនបានឲ្យដឹងថា មានអ្នកគាំទ្រប្រហែល ១៥០នាក់បានមកទស្សនាការបញ្ចាំងស្លាយកាលពីយប់មិញ ដោយធ្វើការទស្សនាទាំងមានភ្លៀងធ្លាក់ទៀតផង ។ មនុស្សទាំង ១៥០ នាក់នោះភាគច្រើនជាប្រជាជនដែលរស់នៅក្នុងខេត្តពោធិ៍សាត់ និងមកពីស្រុក ភូមិនានា ដែលនៅជិតៗ ។
លោកបានលើកឡើងទៀតថា ប្រសិនបើមិនមានភ្លៀងធ្លាក់ខ្លាំងទេ នោះចំនួនអ្នកមកទស្សនាពិតជាមានច្រើនជាងនេះ ព្រោះតែសំអាងថានៅពេលដែលក្រុមជម្រើសជាតិចាប់ផ្ដើមក្នុងតង់ទី ១ មានអ្នកគាំទ្រចាប់ផ្ដើមមកច្រើនហើយ ប៉ុន្តែនៅពេលមានភ្លៀងធ្លាក់ក្នុងតង់ទី ២ អ្នកខ្លះក៏ត្រឡប់ទៅ ផ្ទះវិញទៅ។ ចំណែកចំនួនអ្នកគាំទ្រទាំង ១៥០ នាក់នេះគិតតែអ្នកដែលនៅមើលការប្រកួតពេលមេឃធ្លាក់ភ្លៀង និងនៅមើលបន្តដល់ចប់ការប្រកួតរវាងក្រុមទាំង ២ តែប៉ុណ្ណោះ ។
អ្នកសម្របសម្រួលរួបនេះបន្តថា នាថ្ងៃទី ៦ ខាងមុខនេះលោកនឹងបន្តរៀបចំម្ដងទៀត ហើយក៏ជាការប្រកួតទីពីររបស់ក្រុមកម្ពុជាដើម្បីសន្សំពិន្ទុ ក្នុងពូល A ។ ចំណែកនាថ្ងៃនេះលោកនឹងធ្វើការផ្សព្វផ្សាយបន្ថែមទៀតដើម្បី កៀងគរអ្នកគាំទ្រទាំងអស់ ទាំងអ្នករស់នៅក្នុងខេត្ត និងនៅតាមទីជនបទដាច់ស្រយាលឲ្យមកគាំទ្រឲ្យកាន់តែច្រើនបន្ថែម ទៀត។
អ្នកគាំទ្រម្នាក់បានបង្ហាញប្រាប់ពីចំណាប់អារម្មណ៍ទៅកាន់លោក ថន សុធារុណថា៖ « ពួកយើងសប្បាយចិត្តណាស់ ដែលមានការរៀបចំបែបនេះ ហើយអ្វីដែលសំខាន់នោះគឺយើងមើលឃើញថា ក្រុមជម្រើសជាតិកម្ពុជាយើងលេងបានល្អណាស់ គាត់ពេញចិត្ត និងគាំទ្រពេញទំហឹង នេះហើយជាសារមួយដើម្បីលើកទឹកចិត្តកីឡាករជម្រើសជាតិយើង» ។
ក្នុងឱកាសរៀបចំកាបញ្ចាំងស្លាយនោះគ្រប់បណ្ដាក្លិបបាល់ទាត់ ក្នុងខេត្តពោធិ៍សាត់ ក៏បានបង្កើតកម្មវិធីប្រកួតបាល់ទាត់មិត្តភាពរវាងក្រុមកីឡាករ Ratanakea FC vs Heart Boy FC ដើម្បីជាការអបអរដល់ក្រុមជម្រើសជាតិ U -23 កម្ពុជាផងដែរ។
ជាចុងក្រោយលោកក៏បានធ្វើការអគុណចំពោះឯកឧត្ដម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ដែលបានអនុញ្ញាតឲ្យមានការរៀប ចំការបញ្ចាំងស្លាយគ្រប់ការប្រកួតរបស់ក្រុមបាល់ទាត់ U-23 កម្ពុជាដែលប្រកួតក្នុងព្រឹត្តិការណ៍កីឡាស៊ីហ្គេមក្នុងឆ្នាំ ២០១៥ នេះ ។ ព្រមទាំងបានថ្លែងអំណរគុណដល់សាលាក្រុងពោធិ៍សាត់ អាជ្ញាធរដែនដី ការិយាល័យអប់រំកាយ និងកីឡា នៃមន្ទីរអប់រំ យុវជន និងកីឡាដែលបានជួយសហការ ៕
សកម្មភាពកីឡាករប្រកួតមិត្តភាពអបអរ ម្សិលមិញ
ប្រភព Sabay News
7:28 AM
Unknown
Posted in: 
