អ្នកជំនាញមកពីក្រុមហ៊ុនគ្រប់គ្រងមេដែករបស់អង់គ្លេសបាន ឈ្មោះ Matt Newbie ពន្យល់ថា ចំពោះឧបករណ៍អេឡិចត្រូនិកចាសដូចជាអេក្រង់កុំព្យូទ័រ (CRT Monitor) និងទូរទស្សន៍គឺអាចទទួលរងឥទ្ធិពលដោយមេដែក ឬក្នុងតំបន់ម៉ាញេទិចបានដោយមានបញ្ហាដូចជារូបភាពមិន ច្បាស់ជាដើម។ ប៉ុន្តែទូរទស្សន៍ និងអេក្រង់កុំព្យូទ័រទំនើបវិញគឺមិនមានផលប៉ះពាល់នោះទេ”។
ចុះចំណែកទូរសព្ទ Smartphone និងទិន្នន័យក្នុង Hard Disk កុំព្យូទ័រវិញ?
ចំពោះ smartphones?
លោក Matt បានបញ្ជាក់ថា ចំពោះឧបករណ៍អេឡិចត្រូនិកទំនើបៗដូចជា Smartphone ជាដើមគឺមិនទទួលរងផលប៉ះពាល់ដោយសារមេដែកធម្មតានោះទេ។
“ចំពោះមេដែកដែលយើងបានជួបជារៀងរាល់ថ្ងៃ ឬមេដែកទាំងឡាយណាដែលមានលក់នៅលើទីផ្សារ នឹងមិនធ្វើឲ្យប៉ះពាល់ ឬខូចខាតដល់ Smartphone នោះទេ។ តាមពិតទៅ នៅក្នុងឧបករណ៍អេឡិចត្រូនិកទាំងនោះក៏មានមេដែកតូចមួយសម្រាប់ ដំណើរការមុខងារយ៉ាងសំខាន់ដែរ ឧទាហរណ៍ដូចជា Apple Watch គឺប្រើមេដែកមួយសម្រាប់ដំណើរការប្រព័ន្ធសាកថ្មតាម Wireless”។ លោកបានបន្ថែម។
ប៉ុន្តែវាអាចមានបញ្ហាបណ្ដោះអាសន្នមួយចំនួនប្រសិនយក មេដែកទៅត្រដុសជុំវិញ ឬដាក់ជិត Smartphone ជាពិសេសក្នុងដែនម៉ាញេទិចដែលវាអាចរំខានដល់កម្មវិធីត្រីវិស័យ មិនអាចស្វែងរកទីតាំងត្រឹមត្រូវបាន និងប្រដាប់វាស់កម្លាំងមេដែកផ្នែកខាងក្នុងដែលមានបញ្ហាដល់ Sensor និងធ្វើឲ្យកម្មវិធីមួយចំនួនដំណើរការមិនល្អដូចជា Google Map ជាដើម។
បន្ថែមទៅទៀតនោះ ការដាក់មេដែក ឬលោហធាតុនៅជាប់នឹងស្រោមទូរសព្ទ វាធ្វើឲ្យប៉ះពាល់ដល់មុខងារ Autofocus ជាមួយនឹង Optical Image Stabilization នៅកាមេរ៉ាផ្នែកខាងក្រោយផងដែរ។
ចុះចំណែកឯទិន្នន័យក្នុង Hard Disk វិញ?
មានអ្នកប្រើប្រាស់មួយចំនួនមានការព្រួយបារម្ភថា មេដែកធ្វើឲ្យរលប់ទិន្នន័យពី Hard Disk របស់កុំព្យូទ័របាន។ លោក Matt បានពន្យល់ថា វាអាចប្រសិនយកមេដែកដែលមានកម្លាំងទំនាញខ្លាំងទៅអូសពីលើ Hard Disk ផ្ទាល់តែម្ដង។ ប៉ុន្តែនៅក្នុង Hard Disk បានដាក់បញ្ចូលមេដែកនីអូឌីមមួយដែរដើម្បីប្រតិបត្តិការដង Read/Write និងដើម្បីកត់ត្រាទិន្នន័យ ដូច្នេះវាមិនអាចទទួលរងការបំផ្លាញទិន្នន័យបាននោះទេចំពោះមេដែក ធម្មតា បើទោះបីជាបិទវាជាប់ទៅនឹងធុង Case របស់កុំព្យូទ័រក៏ដោយ៕
ប្រភព Sabay News
8:40 AM
Unknown
Posted in: 
