Samsung Galaxy S6 Edge Plus ត្រូវបានរចនាឡើងដើម្បីប្រកួតប្រជែងជាមួយនឹង iPhone 6 Plus

កាលពីថ្ងៃអង្គារកន្លងទៅនេះនៅលើបណ្ដាញសង្គម Twitter របស់ក្រុមហ៊ុនផលិតបច្ចេកវិទ្យាយក្ស Samsung បានបញ្ចេញរូបភាពស្មាតហ្វូនជំនាន់ថ្មីរបស់ខ្លួន ដែលកំណែថ្មីពីជំនាន់មុនរបស់ខ្លួនដែលម៉ូដែលថ្មីនោះគឺ Samsung Galaxy S6 Edge Plus (+) ។ តាមឳ្យដឹងពីក្រុមហ៊ុននេះថា S6 Edge + នេះអាចមានអេក្រង់ចន្លោះ 5.5 អ៊ីញទៅ 5.7 អ៊ីញ។
រូបរាងនេះត្រូវបានបញ្ចេញដោយគណនី @OnLeaks បានបង្ហាញថា ស្មាតហ្វូននេះអាចមានកំពស់ខ្ពស់ជាងជំនាន់មុន។ ភាពខុសគ្នារវាងស្មាហ្វូនទាំង២នេះគឺ ខាងក្រុមហ៊ុនបានដោះដូរ Bottom Microphone ទៅម្ខាងទៀត ចំពោះកម្រឹតសម្លេងដែលត្រូវខាងក្រុមហ៊ុនកែតម្រូវផងដែរ។ Samsung Galaxy S6 Edge Plus ត្រូវបានឳ្យដឹងថាបច្ចេកវិទ្យាផ្ទៃក្នុង និងគ្រឿនម៉ាស៊ីនមានលក្ខណៈស្រដៀងគ្នាជាមួយស្មាតហ្វូន Samsung Galaxy S6 Edge ។ ហើយចំពោះ S6 Edge + នេះទៀតសោតត្រូវគេបន្ថែម Six-Core Qualcomm Processor និងបន្ថែមបន្ទះស្វៀគី Samsung Exyons Chips ថែមទៀត។
ទោះយ៉ាងណាក្ដីខាងក្រុមហ៊ុន Samsung មិនទាន់បានបញ្ជាក់ថា Galaxy S6 Edge + នេះនឹងត្រូវដាក់ចេញលក់នៅថ្ងៃខែណាប្រាកដ៏នោះទេ ទោះមានពាក្យចចាមអារ៉ាម ថាស្មាតហ្វូននេះនឹងត្រូវដាក់លក់ជាផ្លូវការនាចុងខែមិនុថានេះក៏ដោយ។ Galaxy S6 Edge + នេះនឹងត្រូវខាងក្រុមហ៊ុន Samsung យកទៅចុះបញ្ជីពិព័ណគ្រឿងអេឡិចត្រូនិច (IFA) នាទីក្រុង ប៊ែរឡាំង ប្រទេសអាល្លឺម៉ង់ក្នុងខែកញ្ញាខាងមុខនេះ។

ប្រភព PorPok

• Tweet
• Share
• Share
• Share
• Share