ដំណឹងល្អពី Microsoft ចំពោះប្រិយមិត្តចង់ដំឡើង Windows 10

ក្រុមហ៊ុន Microsoft បានបង្ហាញផ្លូវក្នុងការ Upgrade យកប្រព័ន្ធប្រតិបត្តិការថ្មី Windows 10 ដោយឥតគិតថ្លៃចំពោះរាល់អតិថិជនចាស់ណាដែលកំពុងប្រើប្រាស់ Windows 7 និង Windows 8.1 ។ 

ចំពោះអតិថិជនដែលប្រើប្រាស់ប្រព័ន្ធប្រតិបត្តិការ Windows 7 និង Windows 8.1 នឹងមានលទ្ធភាពក្នុងការដំឡើងយក Windows 10 ថ្មីដោយឥតគិតថ្លៃក្នុងការប្រើប្រាស់ ដោយរយៈពេលមួយឆ្មាំដែលចាប់ផ្ដើមពីថ្ងៃទី ២៩ ខែកក្កដា ខាងមុខនេះ។ ប៉ុន្តែចំពោះអតិថិជនដែលកំពុងប្រើប្រាស់ Windows Vista និង XP គឺត្រូវចំណាយថវិការដើម្បីប្រើប្រាស់នូវប្រព័ន្ធប្រតិបត្តិការថ្មីមួយនេះ។ Microsoft បានបង្ហើបទៀតថា ដើម្បីទាញយកនិងដំឡើង Windows 10 បានគឺត្រូវពឹងផ្អែកលើគណនី Microsoft របស់អតិថិជនដើម្បីចុះឈ្មោះសម្រាប់ការទាញយកដោយឥតគិតថ្លៃ។ 

ការគ្រោងដាក់ឳ្យប្រើប្រាស់ដោយឥតគិតថ្លៃនេះគឺត្រូវបានបញ្ជាក់ពីខាងជំនាញ Windows របស់ Microsoft គឺក្រុមការងារ MSA ។ តោះ! ប្រិយមិត្តត្រៀមខ្លួនរួចហើយឬនៅក្នុងការប្រើប្រាស់ Windows 10 ? សូមរីករាយជាមួយ Windows 10 ទាំងអស់គ្នានៅថ្ងៃទី ២៩ ខែកក្កដា ឆ្មាំ២០១៥ ខាងមុខនេះ៕ 

ប្រភព PorPok

• Tweet
• Share
• Share
• Share
• Share