មូលហេតុ៥យ៉ាងដែលធ្វើអោយថ្មទូស័ព្ទប្រភេទ Android កាន់មិនបានយូរ

ជារឿយៗអ្នកប្រើប្រាស់មានការធុញទ្រាន់ចំពោះថ្មរបស់ទូស័ព្ទពួកគេ ព្រោះតែថ្មនីមួយៗរបស់ទូស័ព្ទស្មាតហ្វូតមិនសូវប្រើប្រាស់បានយូរទេ (មិនបានលើសពី១ថ្ងៃ)។ យើងដឹងស្រាប់ហើយនៅពេលដែលស្មាតហ្វូនចាប់ផ្ដើមដាក់អោយបំរើភាពងាយស្រួលទៅដល់ប្រជាជនទូទាំងពិភពលោក វាត្រូវបានផ្ទុកមុខងារជាច្រើននៅក្នុងម៉ាស៊ីនតូចមួយ ជាមូលហេតុនាំអោយស្មាតហ្វូននីមួយៗរក្សាថ្មមិនបានយូរ។ ថ្ងៃនេះយើងលើកយកមូលហេតុចំនួន៥ដែលនាំអោយទូស័ព្ទ Android មិនសូវកាន់ថ្ម។​ តោះយើងមើលមូលហេតុខាងក្រោមទាំងអស់គ្នា៖

1. កំរិតភាពច្បាស់របស់ទូស័ព្ទ

កំរិតភាពច្បាស់របស់ទូស័ព្ទក៏ជាបញ្ហាចំបងដែលនាំអោយទូស័ព្ទ Android មិនសូវកាន់បានន័យថាវាឆាប់អស់ថ្មនៅពេលប្រើរយៈពេលត្រឹម១ថ្ងៃ។ QHD គឺសាកសមជាមួយនឹងកំរិតអេក្រង់ស្ដង់ដាគ្រប់ Android ទាំងអស់នៅក្នុងឆ្នាំនេះ។ ប៉ុន្តែទូស័ព្ទរបស់ Android នឹងត្រូវបានគេអាប់ដេតអេក្រង់អោយកាន់តែច្បាស់រហូតទៅដល់ 4K នៅក្នុងឆ្នាំនេះ។ 

2. ទូស័ព្ទមានសភាពស្ដើងពេក

តំរូវការរបស់អ្នកប្រើប្រាស់ទាមទារអោយទូស័ព្ទកាន់តែស្ដើង និងមានគុណភាពខ្ពស់ប៉ុន្តែពួកគេមិនចង់អោយបរិមាណថ្មកាត់បន្ថយនោះទេ។ តំរូវការទាំង២នេះបើអ្នកប្រើប្រាស់ចង់បានទាំងពីរគឺមិនអាចទេត្រូវតែមានមួយអត់មួយ។ ទូស័ព្ទកាន់តែស្ដើងធ្វើអោយថាមពលថ្មកាន់តែអន់ថយ បើមិនដូច្នេះទេអ្នកផលិតគួរតែផលិតទូស័ព្ទដែលមានកំរាស់ក្រាស់ និងមានថ្មធំទើបកាន់ថ្មបានយូរ។

3. ទំហំនៃការដាក់ថ្មនៅក្នុងទូស័ព្ទកាន់តែតូច

ជាការពិតណាស់អ្នកផលិតតែងតែធ្វើការអាប់ដេតម៉ូដែលទូស័ព្ទរបស់ខ្លួន អោយកាន់តែមានភាពស្រស់ស្អាត។ ភាគច្រើនអ្នកផលិតតែងតែធ្វើការផ្លាស់ប្ដូរទៅលើកំរាស់ និងរាងរបស់ទូស័ព្ទ។ ការផ្លាស់ប្ដូរនេះបានប៉ះពាល់ទៅលើទំហំនៃទីកន្លែងសំរាប់ដាក់ថ្ម ដូច្នេះគេក៏បង្រួមថ្មអោយតូច ក៏ដូចជាគេបង្រួមថាមពលថ្មដែល។ ប្រៀបធៀបទៅ Samsung Galaxy S6 និង S5, ចំពោះទំហំថ្មទូស័ព្ទ Galaxy S5 មានកំរិត 2,800 mAh តែនៅពេលដែលចេញ S6 មកគេកាន់បន្ថយនៅសល់ត្រឹមតែ​ 2,500 mAh តែប៉ុណ្ណោះ។

4. ថ្មរបស់ទូស័ព្ទបានដាក់បញ្ជូលបច្ចេកវិទ្យា

យើងសង្កេតឃើញមានការកែប្រែថ្មយ៉ាងជាលំដាប់ពីមួយជំនាន់ទៅមួយជំនាន់។ វាក៏មិនមែនជារឿងល្អដែលចំពោះការផ្លាស់ប្ដូរនេះ, តែអ្នកប្រើប្រាស់ពិតជាសប្បាយចិត្តណាស់ពេលដែលក្រុមហ៊ុនទូស័ព្ទនីមួយៗបានប្រកាសថាការអាប់ដេតជំនាន់នេះនឹងធ្វើអោយទូស័ព្ទរបស់អ្នកឆាប់បញ្ជូលថ្មបានពេញរហ័ស។ ផ្ទុយទៅវិញ, អ្នកផលិតបានកាន់បន្ថយនៅបរិមាណថ្មរបស់វារួចជាស្រេចហើយ ដើម្បីអោយវាបញ្ជូលថ្មឹឆាប់ពេញ។

5. កម្មវិធីថ្មីៗរបស់ Android ត្រូវបានគេបង្កើតរាល់ថ្ងៃ

យើងបាននិយាយហើយពីរឿង ទំហំថ្ម កំរាស់ទូស័ព្ទ កំរិតភាពច្បាស់ របស់ទូស័ព្ទបានធ្វើអោយថ្មឆាប់អស់។ តែនៅមិនទាន់អស់ទេ កម្មវិធីទូស័ព្ទជាច្រើនកុំពុងត្រូវបានគេផលិតឡើងដើម្បីអោយអ្នកដោនឡូត កុំភ្លេចថា វាអាចធ្វើអោយថ្មរបស់ទូស័ព្ទអ្នកអស់បានយ៉ាងឆាប់រហ័ស ខណៈពេលដែលថ្មទូស័ព្ទអ្នកកុំពុងតែខ្សោយស្រាប់។ កម្មវិធីទាំងនោះមានដូចជា ហ្កេមអនឡាញមានទំហំធំ​ កម្មវិធីដោនឡូត កម្មវិធីមើលវីដេអូ ភាគច្រើនជាកម្មវិធីដែលប្រើប្រាស់អ៊ីធើណេត។

ប្រភព PorPok

• Tweet
• Share
• Share
• Share
• Share