របៀបថត Time-Lapse Videos ក្នុងស្មាតហ្វូន Android

សព្វថ្ងៃនេះក្នុងឧបករណ៍ស្មាតហ្វូនទំនើបៗម៉ូដែលថ្មីៗដែរដំណើរការដោយប្រព័ន្ធប្រតិបត្តិការ Android ប្រាកដ៏ជាមានលក្ខណៈពិសេសក្នុងការថត Time-Lapse ដូចជា : Samsung Galaxy S6 , S6 Edge , LG G4 ... ។ ប៉ុន្តែសម្រាប់ស្មាតហ្វូនមួយចំនួនដែលម៉ូដែលថ្មីៗតែមិនមានលក្ខណៈក្នុងការថត Time-Lapse នោះទេ ជាក់ស្ដែងដូចជា : Nexus 6 , Nexus 5 និងស្មាតហ្វូនមួយចំនួនទៀតដែរប្រើប្រាស់ប្រព័ន្ធប្រតិបត្តិការ Android ។ ក្នុងករណីនេះប្រិយមិត្តដែលមានស្មាតហ្វូនក្នុងការថត Time-Lapse អាចរកកម្មវិធីបន្ថែម ( Third-party App ) សម្រាប់ជំនួយបាន។ 

ខាងក្រោមនេះពពកនឹងបង្ហាញកម្មវិធី៥សម្រាប់ជាជំនួយដល់ប្រិយមិត្ត៖

1. Lapse It:

កម្មវិធីនេះល្អបំផុតក្នុងការកំណត់ថត Time-Lapse ក្នុងប្រព័ន្ធប្រតិបត្តិការ Android ។ Lapse It បច្ចុប្បន្ននេះបាន Update ឡើងដល់ជំនាន់ 4.7 ដែលភ្ជាប់ជាមួយការត្រួតពិនិត្យ ( Manual Controls ) និង Background Mode ទំនើបជាងមុន។ ហើយអ្វីដែលពិសេសទៀតនោះគឺប្រិយមិត្តអាច មើលវីឌីអូនោះបានក្នុងពេលកំពុងថតក៏បាន។ កម្មវិធីនេះប្រិយមិត្តអាចទាញយកបាន ហើយត្រូវចុះឈ្មោះគណនីរបស់ Lapse It ទៀតទើបអាចដំណើរការបាន។

2. TimeLapse:

Time Lapse ជាកម្មវិធីដែលមានការនិយមជាពិសេស របស់អតិថិជនទាំងឡាយព្រោះប្រិយមិត្តអាចកំណត់ចន្លោះរូបថតហើយក៏អាច Image Resolution បានទៀតផង។ ប្រិយមិត្តក៏អាច Capture Screen ពេលថតក៏បាន ហើយក្នុងនោះទៀតកម្មវិធីនេះមាន ប៊ូតុង៣យ៉ាងពេលប្រិយមិត្តកំពុងថតដូចជា : ការផ្អាក ( Pause ) , ការបញ្ឈប់ ( Stop ) និង ការបង្ហាញរបារស្ថានភាព ( Shows a small status bar )ផងដែរ ។ ហើយចុងក្រោយនោះប្រិយមិត្តអាចយកវីឌីអូដែលថតបាននោះ ទៅរចនាបានថែមទៀតដូចជាការដាក់ស៊ុម ... ។

3. Framelapse:

ជាកម្មវិធីដែលមានទំហំតូចងាយស្រួលក្នុងការទាញយក ហើយមានសមត្ថភាពក្នុងការថត Time-lapse មិនចាញ់គេនោះទេ។ វាមានសមត្ថភាពអាចកំណត់ប៉ារ៉ាមែត្រក្នុងពេលកំពុងថត , កំណត់ពេលវេលាក្នុងការថត , តម្រូវតុល្យភាពព័ណពេលថត ... ។ 

4. Overlapse:

Overlapse ត្រូវបានគេហៅក្រៅថា “ Time-Lapse made easy ” ពីព្រោះក្នុងកម្មវិធីនេះវាមិនមានភាពស្មុគ្រស្មាញក្នុងការថតនោះទេ។ ហើយកម្មវិធីនេះអាចមានសមត្ថភាពខ្ពស់ក្នុងការថត អាគារ , ព្រះអាទិត្យ ... ក្នុងលក្ខណៈយូរខែបានទៀតផង។ ក្នុងកម្មវិធីនេះក៏អាចកាត់យករូបភាពពីក្នុង វីឌីអូនោះបានយ៉ាងងាយស្រួលហើយរាល់រូបភាពទាំងនោះត្រូវបានរក្សាទុកជាសំណុំយ៉ាងត្រឹមត្រូវ។ 

5. Microsoft Hyperlapse:

ក្រុមហ៊ុន Microsoft ក៏បានមានកម្មវិធីប្រភេទនេះផងដែរ ដែលដាក់ឳ្យដំណើរការក្នុងប្រព័ន្ធប្រតិបត្តិការ Android ។ ដើម្បីទាញបានកម្មវិធីនេះប្រិយមិត្តត្រូវចូលទៅ Hyperlapse Community Google+ ជាមុនសិនដើម្បីទាញយកកម្មវិធីនេះចូលឧបករណ៍ស្មាតហ្វូនប្រិយមិត្ត។ កម្មវិធីនេះក៏មានសមត្ថភាពជាច្រើនផងដែរដូចជា : ការកំណត់ពេលវេលាជាក់លាក់ក្នុងការថត , ការកំណត់ទំហំថត .... ។

 ប្រភព PorPok

• Tweet
• Share
• Share
• Share
• Share