Mata៖ "ខ្ញុំសង្ឃឹមថាHernandez នៅលេងឲ្យ Man Utd បន្តទៀត" ~ KAS4UAll

Mata៖ "ខ្ញុំសង្ឃឹមថាHernandez នៅលេងឲ្យ Man Utd បន្តទៀត"

http://cdn.kqube.net.s3.amazonaws.com.s3.amazonaws.com/images/knews/48821/large/Chitcharitpo.jpg

Javier Hernandez បានចំណាយពេលអស់មួយរដូវកាល ក្នុងលក្ខណៈខ្ចីជើងនៅក្លឹបយក្ស Real Madrid ហើយថ្មីៗនេះរូបគេត្រូវបានព័ត៌មានចុះផ្សាយថា នឹងមានការផ្ទេរចេញពីក្លឹប ប៉ុន្តែ មិត្តរួមក្រុមបិសាចក្រហម Juan Mata សង្ឃឹមថា គាត់អាចអន្ទងឲ្យកីឡាករសញ្ជាតិមិកស៊ិករូបនេះ នៅOld Trafford បន្តទៀត។

ខ្សែប្រយុទ្ធ វ័យ២៧ឆ្នាំរូបនេះលេងនៅ Real Madrid ក្នុងលក្ខណៈខ្ចីជើងនៅរដូវកាលមុន ហើយពេលខ្លះរូបគេក៏អាចជាប់ជម្រើសដំបូង១១នាក់ក្រោមការដឹកនាំ របស់លោក Carlo Ancelotti ផងដែរ។

បើយោងតាម គេហទំព័រ The Goals បានឲ្យដឹងថា៖ Hernandez បានចូលហ្វឹកហាត់ជាមួយមិត្តរួមក្រុម Man Utd ទាំងអស់ ដើម្បីត្រៀមប្រកួតមិត្តភាព និងលក្ខណៈទេសចរណ៍មុនបើករដូវកាលថ្មីនេះ ហើយរូបគេក៏មានឈ្មោះក្នុងបញ្ជីកីឡាករទាំងអស់ ដែលត្រូវធ្វើដំណើរទៅប្រកួតនៅសហរដ្ឋអាមេរិកផងដែរ។

ដោយ ឡែកមិត្តរួមក្រុមបិសាចក្រហម Mata បានសង្ឃឹមថា Hernandez នឹងនៅបន្តហើយរកគ្រាប់បាល់ឲ្យបិសាចក្រហមបន្តទៀត។ “ Chicharito នៅតែជាកម្មសិទ្ធរបស់បិសាចក្រហមដដែល ហើយខ្ញុំចង់ឲ្យគាត់នៅជាមួយពួកយើង" Mata បាននិយាយកាន់អ្នកសារព័ត៌មាន ពេលទៅទស្សនកិច្ចនៅមិកស៊ិក។"

អតីត កីឡាកររបស់ Chelsea រូបនេះបានបន្តទៀតថា៖"គាត់តែងតែរកគ្រាប់បាល់បានរហូតដល់ក្រុម ទាំងអស់ដែលគាត់ធ្លាប់លេង ហើយគាត់ក៏ជាខ្សែប្រយុទ្ធដ៏វ័យឆ្លាតមួយរូបផងដែរ។ Hernandez ជាមិត្តដ៏អស្ចារ្យរបស់ខ្ញុំ ពេលដែលខ្ញុំមកដល់ Man Utd គាត់រាក់ទាក់ខ្ញុំណាស់។ Chicharito ជាមនុស្សល្អ ហើយក៏កីឡាករដ៏មានជំនាញម្នាក់ផងដែរ។ ខ្ញុំមានសំណាងខ្លាំងណាស់ ដែលគាត់បានឲ្យបន្ទប់ខ្ញុំផ្លាស់សំលៀកបំពាក់ដល់ខ្ញុំកាលពីមក ដល់ក្លឹបដំបូង។

Hernandez រកគ្រាប់បាល់បាន៧គ្រាប់ក្នុងការបង្ហាញខ្លួនឲ្យ Real Madrid ២៣ប្រកួតនៅរដូវកាលមុន ហើយក្នុងចំណោម៧គ្រាប់នេះមានមួយគ្រាប់ ដែលរូបគេបានសុតចូលក្នុងពានរង្វាន់ Champions League ផងដែរ។

ប្រភព Kqube

Saturday, June 27, 2015