ប្រេស៊ីល ឬ ប៉ារ៉ាហ្គាយបានឡើងទៅ វគ្គបន្តនៅម៉ោងបួនទាបភ្លឺនេះ? ~ KAS4UAll

ប្រេស៊ីល ឬ ប៉ារ៉ាហ្គាយបានឡើងទៅ វគ្គបន្តនៅម៉ោងបួនទាបភ្លឺនេះ?

http://cdn.kqube.net.s3.amazonaws.com.s3.amazonaws.com/images/knews/48818/large/brazil.jpg

ម្ចាស់ពាន World Cup ៥ សម័យកាលជម្រើសជាតិប្រេស៊ីល នឹងត្រូវជួបក្រុមអ្នកជិតខាងប៉ារ៉ាហ្គាយ នៃការប្រកួតពានរង្វាន់ធំប្រចាំទ្វីបអាមេរិកខាងត្បូង Copa America ក្នុងវគ្គ៨ក្រុមចុងក្រោយ នៅវេលាម៉ោង៤និង ៣០នាទីទាបភ្លឺឈានចូលថ្ងៃទី២៨ខែមិថុនានេះ ក្នុងកីឡដ្ឋាន Estadio Municipal Alcaldesa Ester Roa Rebolledo ។ តើប្រេស៊ីលឬក៏ប៉ារ៉ាហ្គាយឡើងទៅវគ្គ៤ក្រុមចុងក្រោយ?

ទិដ្ឋភាពទូទៅក្រុមទាំងពីរ៖

សម្រាប់ ជម្រើសជាតិប្រេស៊ីលការឡើងមកដល់វគ្គនេះ(៨ក្រុមចុងក្រោយ) ដោយការយកឈ្នះ វេណេហ្ស៊ុយអេឡា នាការប្រកួតបិទពូលដោយគ្មានការចូលរួមពី Neymar ។ ឯប៉ារ៉ាហ្គាយវិញបានត្រឹមស្មើក្រុមខ្លាំងអ៊ុយរុយហ្គាយនៅវគ្គបិទ ពូល។

៩ ប្រកួតចុងក្រោយប្រេស៊ីល ឈ្នះ៨ដង និងចាញ់តែម្ដងគត់។ ចំណែកសម្រាប់ប៉ារ៉ាហ្គាយវិញ ៩ប្រកួតចុងក្រោយឈ្នះ២ដងស្មើ៤ និងចាញ់៤ដង។ តែបើនិយាយពីប្រវត្តិជួបគ្នា១០ប្រកួតចុងក្រោយវិញ ក្រុមសាំបាឈ្នះ៤ដងស្មើ២ដង និងចាញ់៤ដង។ ប្រេស៊ីលធ្លាប់ចាញ់ប៉ារ៉ាហ្គាយ នៅវគ្គ៨ក្រុមចុងក្រោយក្នុងពានរង្វាន់នេះ នៅឆ្នាំ២០១១ដែលកាលនោះ ប៉ារ៉ាហ្គាយយកឈ្នះ២ទល់០។

ជើងកីឡាករ៖

សម្រាប់ ការប្រកួតលើកនេះ កីឡាករក្រុមជម្រើសជាតិប្រេស៊ីល គ្មានបញ្ហារបួសនោះទេតែ Neymar មិនបានលេងទេដោយសារជាប់បម្រាមហើយដំណែងរបស់គេត្រូវធ្លាក់ទៅលើ កីឡាករដែលទើបចុះកុងត្រាជាមួយLiverpoolកាលពីថ្មីៗ នេះ Firmino ។

ជម្រើស១១នាក់ដំបូងប្រហែលជា៖ Jefferson; Alves, Miranda, Thiago Silva, Luis; Elias, Fernandinho; Willian, Coutinho, Robinho; Firmino ។

ចំណែកខាងប៉ារ៉ាហ្គាយវិញក៏ គ្មានបញ្ហារបួសកីឡាករអីនោះដែរ ហើយជម្រើស១១នាក់ដំបូងប្រហែលជា៖ Villar; Caceres, Da Silva, B Valdez, Piris; Bobadilla, Ortigoza, Benitez, Molinas; Valdez, Barrios ។

សម្រាប់ការព្យាករណ៍វិញគេហទំព័រ៖

Sportsmole ថា Brazil 0-1 Paraguay

latinpost ៖ Brazil 0-1 Paraguay

SkySport៖ Brazil 1-1 Paraguay

ibtimes ៖ Brazil 1-០ Paraguay

ប្រភព Kqube

Saturday, June 27, 2015