សាលាក្តីខ្មែរក្រហមចែកសៀវភៅសាលដីកាសំណុំរឿង០០១ និងសាលក្រមសំណុំរឿង០០២/០១ ~ KAS4UAll

សាលាក្តីខ្មែរក្រហមចែកសៀវភៅសាលដីកាសំណុំរឿង០០១ និងសាលក្រមសំណុំរឿង០០២/០១

នៅថ្ងៃទី២២ ខែឧសភា នេះ អង្គជំនុំជម្រះវិសាមញ្ញក្នុងតុលាការកម្ពុជានឹងធ្វើពិធីចែកសៀវភៅ សាលដីកាស្ថាពរសំណុំរឿង ០០១ និងសាលក្រមសំណុំរឿង ០០២វគ្គទី១ថ្នាក់តំបន់លើកទី១ ជូនដល់មន្ត្រីតុលាការ និងមន្ត្រីអនុវត្តច្បាប់ពាក់ពន្ធនានា ប្រមាណ២០០នាក់។

បើតាមសេចក្តីប្រកាសព័ត៌មានចេញផ្សាយនៅថ្ងៃទី២១ ឧសភានេះ ពិធីនេះប្រព្រឹត្តទៅនៅសាលាដំបូងខេត្តព្រះសីហនុដោយមានការចូលរួមពី ប្រធាន អនុប្រធានតុលាការ ព្រះរាជអាជ្ញា ព្រះរាជអាជ្ញារងនិងមន្ត្រីតុលាការ នានាមកពីខេត្តព្រះសីហនុ ខេត្តកំពត កែបនិងខេត្តកោះកុងព្រមទាំងមន្ត្រីមកពីមន្ទីរអង្គភាពពាក់ព័ន្ធ នានានៅក្នុងខេត្ត។

សូមបញ្ជាក់ថា នេះជាលើកទី២ហើយ ដែលអង្គជំនុំជម្រះវិសាមញ្ញក្នុងតុលាការកម្ពុជារៀបចំពិធីចែកសាលក្រម ជូនសល់សាធារណជន។ ពិធីចែកសៀវភៅសាលក្រមសំណុំរឿង ០០២/០១ លើកទី១ត្រូវបានរៀបចំឡើងកាលពីថ្ងៃទី១២ ខែឧសភា ឆ្នាំ ២០១៥កន្លងទៅដោយមានការចូលរួមពីនិស្សិតច្បាប់មកពីមហា វិទ្យាល័យនានាចំនួន ៣០០នាក់។
ការចែកសៀវភៅសាលក្រមនៃសំណុំរឿង ០០២/០១ ទៅកាន់រាជធានី-ខេត្តទាំង ២៥ ក្រសួង ស្ថាប័ន សាកលវិទ្យាល័យ សង្គមស៊ីវិល និងដើមបណ្តឹងរដ្ឋប្បវេណីធ្វើឡើងក្នុងគោលបំណងលើកទឹកចិត្តឱ្យមាន ការសិក្សាបន្ថែម និងស្វែងយល់ឱ្យកាន់តែច្បាស់ពីសំណុំរឿង ០០២/០១ ៕

ប្រភព ThmeyThmey

Saturday, June 6, 2015