អាមេរិក និងអង់គ្លេស ឈានទៅវគ្គ ៨ ក្រុមចុងក្រោយនៃការប្រកួត WorldCup នារី ~ KAS4UAll

អាមេរិក និងអង់គ្លេស ឈានទៅវគ្គ ៨ ក្រុមចុងក្រោយនៃការប្រកួត WorldCup នារី

ក្រុងអូតាវ៉ាៈ ក្រុមជម្រើសជាតិនារីអាមេរិក បានឈានចូលទៅ កាន់វគ្គ ១/៤ ផ្តាច់ព្រ័ត្រនៃការប្រកួត World Cup នារីកាលពីថ្ងៃចន្ទ ជាមួយការយកឈ្នះក្រុមនារីកូឡុំប៊ី 2-0 ខណៈក្រុមនារីអង់គ្លេស បានវាយបកដើម្បី ផ្តួលអតីតក្រុមឈ្នះន័រវែស 2-1 ដើម្បីកក់កន្លែងមួយនៅក្នុងការប្រកួត ៨ ក្រុមចុងក្រោយដែរ។
កីឡាការិនី Alex Morgan និង Carli Lloyd បានស៊ុតបាល់បញ្ចូលទីម្នាក់មួយគ្រាប់ នៅក្នុងតង់ទីពីរនៃការប្រកួតដ៏ស្វិតស្វាញមួយនៃក្រុមលំដាប់ទីពីរ អាមេរិកនៅឯកីឡដ្ឋាន Edmonton ជាមួយនឹងក្រុមលំដាប់ទី ២៨ កូឡុំប៊ី ជាគូប្រជែង ដែលលេងជាមួយកីឡារិនីតែ ១០ នាក់ នៅក្នុងតង់ទីពីរ។
ដោយស្ថិតក្នុងចំណោមក្រុមដែលសង្ឃឹមថាឈ្នះតំណែងជើងឯក ក្រុមអាមេរិក ដែលជាជើងឯកនៅឆ្នាំ ១៩៩១ និង ១៩៩៩ នឹង ជួបក្រុមនារីចិននៅរាត្រីថ្ងៃសុក្រ ក្នុងការប្រកួតបន្ទាប់នៅក្នុងក្រុងអូតាវ៉ា ហើយក្រុមអង់គ្លេស នឹងជួបក្រុមម្ចាស់ផ្ទះកាណាដានៅ រាត្រីថ្ងៃសៅរ៍ ដើម្បីដណ្តើមកន្លែងនៅវគ្គ ១/២ ផ្តាច់ព្រ័ត្រ។
ក្រុមលំដាប់ទី ៦ អង់គ្លេស បាន តាមពីក្រោយ បន្ទាប់ពីកីឡាការិនី Solveig Gulbrandsen បានតែតបាល់បញ្ចូលទីឲ្យក្រុមជើងឯកឆ្នាំ ១៩៩៥ ន័រវែស បន្ទាប់ពី លេងបាន ៥៤ នាទីនៅក្នុងក្រុងអូតាវ៉ា។
ប៉ុន្តែការស៊ុតបាល់ចូលទីពីរគ្រាប់នៅក្នុងតង់ទីពីររបស់ កីឡាការិនីប្រធានក្រុម Steph Houghton និងខ្សែការពារ Lucy Bronze បានើផ្តល់ឲ្យក្រុមអង់គ្លេសនូវជ័យជម្នះដំបូងនៅក្នុងជុំនៃការ ប្រកួតនេះ។
គ្រូបង្វឹកលោក Mark Sampson បានព្រមានថា៖ «ឈ្មោះរបស់កីឡាការិនីទាំងនេះ ក្រុមនេះ នឹងកត់ត្រាក្នុងប្រវត្តិសាស្រ្តបាល់ទាត់អង់គ្លេស ប៉ុន្តែមិនត្រូវបង្កើតកំហុសទេ ព្រោះដំណើរនេះ មិនទាន់ចប់នោះទេ»។
លោក Mark Sampson បានបន្តថា៖ «កាណាដា មានអ្នកគាំទ្រក្នុងផ្ទះ កីឡាការិនីឆ្នើមៗ អ្នកចាត់ការប្រសើរ ដូច្នេះយើងត្រូវតែសាងសមត្ថភាពអង់គ្លេសដ៏សម្បើមមួយទៀត ដើម្បីបន្តឈានទៅមុខ»។
នៅឯកីឡដ្ឋាន Edmonton កីឡារិនីអ្នកចាំទី Catalina Perez ត្រូវបានពិន័យកាតក្រហមបណ្តេញចេញពីការប្រកួត World Cup ដំបូងរបស់នាងក្រោយពី លោកចាប់ជើងឲ្យកីឡាការិនីខ្សែប្រយុទ្ធអាមេរិក នាង Morgan ឲ្យដួលក្នុងប្រអប់ប៉េណាល់ទី បន្ទាប់ពីលេងបានពីរនាទីក្នុងតង់ទីពីរ។
កីឡាការិនីអាមេរិក Abby Wambach ទទួលនាទីស៊ុតបាល់ប៉េណាល់ទីនោះ ប៉ុន្តែបាន បញ្ជូនបាល់ទៅខាងឆ្វេងបង្គោលទីយ៉ាងឆ្ងាយ ធ្វើឲ្យនាងពុំអាចសងប្រវត្តិស៊ុតបាល់ចូលទីបាន ១៥ គ្រាប់នៅ WorldCup នារី ស្មើនឹងតារាប្រេស៊ីលនាង Marta បានឡើយ។
នៅទីបំផុតនាង Morgan បាន បំបែកពងមាន់បន្ទាប់ពីលេងបាន ៥៣ នាទី ដោយនាង Lloyd ស៊ុត បាល់គ្រាប់ទីពីរ ១៣ នាទី ក្រោយមកជាមួយបាល់ប៉េណាល់ទីបន្ទាប់ពីខ្សែការពារកូឡុំប៊ី នាង Angela Clavijo បានធ្វើឲ្យមានកំហុសលើនាង Megan Rapinoe។
ទោះជាយ៉ាងណា វាជាការការប្រកួតខាតបង់មួយសម្រាប់ក្រុមជើងឯកអូឡាំពិកនេះ ដោយកីឡាការិនីខ្សែបម្រើសំខាន់ Rapi noe និងនាង Lauren Holiday នឹងខកខានការប្រកួតជាមួយចិន បន្ទាប់ពីទទួលបានកាតលឿងម្នាក់មួយ៕

ប្រភព Phnom Penh Post

Tuesday, June 23, 2015