គ្រូ បង្វឹកបាល់ទាត់ជម្រើសជាតិហ្វីលីពីនអាយុក្រោម២៣ឆ្នាំ (U-23) ជឿជាក់ថា ក្រុមបាល់ទាត់ជម្រើសជាតិកម្ពុជាអាចយកឈ្នះក្រុមម្ចាស់ផ្ទះ សិង្ហបុរីបាន បន្ទាប់ពីក្រុមកម្ពុជាបានយកឈ្នះកូនក្រុមរបស់លោកដោយលទ្ធផល ៣-១ កាលពីយប់មិញ។
លោក Marlon Maro គ្រូបង្វឹកក្រុម U-23 ហ្វីលីពីនក្នុងសន្និសីទសារព័ត៌មាន បន្ទាប់ពីការប្រកួតរវាងកម្ពុជា និងហ្វីលីពីនចប់យប់មិញ លោក Marlon Maro គ្រូបង្វឹកក្រុម U-23 ហ្វីលីពីនបាននិយាយថា ផ្អែកតាមទម្រង់លេងរបស់ក្រុមU-23 កម្ពុជាដែលបានយកឈ្នះកូនក្រុមរបស់លោកដោយលទ្ធផល ៣-១ លោកជឿជាក់ថា ក្រុមកម្ពុជាអាចយកឈ្នះក្រុមម្ចាស់ផ្ទះសិង្ហបុរីបាន ពីព្រោះក្រុមសិង្ហបុរីយកឈ្នះលើក្រុមហ្វីលីពីនបានតែ១-០។
ជាមួយគ្នានេះ គ្រូបង្វឹកក្រុមជម្រើសជាតិកម្ពុជាលោក Lee Tae Hoon បានលើកឡើងថា លោកពេញចិត្តទម្រង់លេងរបស់កម្ពុជាដែលបានយកឈ្នះហ្វីលីពីន៣-១ ហើយលទ្ធផលនេះនឹងកាន់តែធ្វើឲ្យកូនក្រុមរបស់លោកមានទំនុកចិត្ត និងជឿជាក់លើខ្លួនឯងសម្រាប់ការប្រកួតបន្ទាប់។
លោក Lee Tae Hoon គ្រូបង្វឹកក្រុមU-23 កម្ពុជា
ក្រុមU-23 កម្ពុជានឹងប្រកួតលើកទីពីររបស់ខ្លួននាថ្ងៃទី៦ មិថុនា ដោយត្រូវជួបក្រុមខ្លាំងឥណ្ឌូណេស៊ីដែលបានចាញ់មីយ៉ាន់ម៉ាសម្រាប់ ការប្រកួតលើកទីមួយដោយលទ្ធផល៤-២។ បន្ទាប់មកក្រុមកម្ពុជាត្រូវប៉ះម្ចាស់ផ្ទះសិង្ហបុរីនៅថ្ងៃទី៨ មិថុនា និងថ្ងៃទី១០ មិថុនា ប៉ះមីយ៉ាន់ម៉ា៕
ប្រភព Sabay News
7:23 AM
Unknown
Posted in: 
