របៀបសម្អាត Temporary Files ពីក្នុង Windows 8

ជាទូទៅឯកសារបណ្តោះអាសន្ន ឬហៅថា Temporary files តែងតែត្រូវបានរក្សាទុកជានិច្ចក្នុង Hard Drive របស់កុំព្យូទ័ររបស់ប្រិយមិត្តដែលប្រើប្រាស់ប្រព័ន្ធប្រតិបត្តិការ Windows 8 ។ សូមរំលឹកផងដែរឯកសារបណ្តោះអាសន្នទាំងនេះត្រូវបានបង្កើតដោយប្រព័ន្ធប្រតិបត្តិការ Windows ជាពិសេសពេលដែលប្រិយមិត្តបិទកុំព្យូទ័រនៅពេលដែលជាប់កម្មវិធីឬឯកសារដែល ប្រិយមិត្តមិនបានបិទវាជាមុន។ ប្រសិនបើប្រិយមិត្តមិនចាប់អារម្មណ៍នឹងឯកសារទាំងនោះទេ វានឹងបណ្ដាលឳ្យកើនទំហំក្នុង Disk Space ហើយក៏អាចបណ្ដាលឳ្យកុំព្យូទ័ររបស់ប្រិយមិត្តដំណើរការយឺតជាងមុន។
ខាងក្រោមនេះ!ពពកនឹងបង្ហាញគន្លឹះក្នុងការសម្អាតឬលុបឯកសារបណ្ដោះអាសន្នឬ Temporary files ក្នុង Windows 8 OS:

Step 1 : ប្រិយមិត្តត្រូវចូលទៅក្នុងប្រអប់ស្វែងរក ដោយគ្រាន់ផ្លាស់ទីទ្រនិចកូនកណ្ដុររបស់ប្រិយមិត្តទៅជ្រុងខាងស្ដាំរួចអូចចុះក្រោមនៃអេក្រង់កុំព្យូទ័រប្រិយមិត្ត។ នៅក្នុងប្រអប់ស្វែងរក (Search Box) ប្រិយមិត្តគឺអាចរកអ្វីៗបានតាមចំណង់ចិត្តនៅទីនោះ។

Step 2 : ចុចលើប្រអប់ស្វែងរកនោះហើយប្រិយមិត្តត្រូវ វាយពាក្យ Disk Cleanup បន្ទាប់មកត្រូវចុចលើពាក្យ Free and Disk Space by deleting Unnecessary Files 

Step 3 : បន្ទាប់ទៀតក្នុងជំហាននេះ ប្រិយមិត្តត្រូវជ្រើសរើស Drive មួយក្នុងចំណោម Drive ក្នុងកុំព្យូទ័រប្រិយមិត្ត។ (ដូចក្នុងរូបខាងក្រោមនេះគំរូក្នុង Drive C) 

Step 4 : ពេលនោះខាងប្រព័ន្ធកុំព្យូទ័រនឹងបង្ហាញការស្កេន ដើម្បីសម្អាត Drive ឳ្យប្រិយមិត្តបានឃើញ

Step 5 : ក្នុងជំហាននេះប្រិយមិត្តអាចជ្រើសរើសឯកសារ ណាដែលប្រិយមិត្តគិតថាចង់លុបឬសម្អាតដោយគ្រាន់តែធីកក្នុងប្រអប់ដែលផ្ដល់ឳ្យនោះ

Step 6 : បន្ទាប់មកត្រូវចុចពាក្យ Delete Files ដើម្បីបន្ត

Step 7 : ចុងក្រោយ Temporary files ទាំងឡាយក្នុងកុំព្យូទ័ររបស់ប្រិយមិត្តនឹងត្រូវសម្អាតយ៉ាងល្អ និងប្រិយមិត្តលែងព្រួយបារម្មណ៍ទៀតហើយ។

 ប្រភព PorPok

• Tweet
• Share
• Share
• Share
• Share