Samsung បង្ហាញរថយន្តមានអេក្រង់ក្រោយ ងាយស្រួលអ្នកបើកវ៉ា ~ KAS4UAll

Samsung បង្ហាញរថយន្តមានអេក្រង់ក្រោយ ងាយស្រួលអ្នកបើកវ៉ា

សប្ដាហ៍ មុន ក្រុមហ៊ុន Samsung បានបង្ហាញគំរូរថយន្តដឹកទំនិញថ្មីមួយមានឈ្មោះថា “Safety Truck” ដើម្បីធ្វើឲ្យការបើកបរនៅលើដងផ្លូវកាន់តែមានសុវត្ថិភាព។

odjthe

Safety Truck ត្រូវបានបំពាក់ដោយកាមេរ៉ាឥតខ្សែ (Wireless Camera) នៅផ្នែកខាងមុខ និងផ្ទាំងអេក្រង់ធំៗចំនួនបួននៅផ្នែកខាងក្រោយនៃរថយន្ត ដើម្បីបង្ហាញទិដ្ឋភាពនៅផ្នែកខាងមុខទៅឡានខាងក្រោយបានឃើញ។

ក្រុមហ៊ុនរបស់កូរ៉េខាងត្បូងមួយនេះបាននិយាយថា ការបំពាក់ឧបករណ៍បច្ចេកវិទ្យាទាំងនេះ គឺដើម្បីឲ្យរថយន្តដែលកំពុងបើកបរនៅផ្នែកខាងក្រោយបានឃើញបាន កាន់ច្បាស់ទិដ្ឋភាពនៅផ្នែកខាងមុខរថយន្តដឹកទំនិញ និងផ្ដល់ភាពងាយស្រួលដល់ពូកគេក្នុងការសម្រេចចិត្តជាពិសេសនៅ ពេលសម្រេចចិត្តវ៉ារថយន្តដឹកទំនិញនោះ។ បន្ថែមទៀតនោះ វាក៏អាចការពារការបុកសត្វ ឬអ្នកធ្វើដំណើរផ្សេងទៀតនៅលើដងផ្លូវផងដែរ។

ប៉ុន្តែក្រុមហ៊ុន Samsung បានបញ្ជាក់ថា “Safety Truck” កំពុងស្ថិតនៅជារថយន្តគំរូតែប៉ុណ្ណោះ មិនទាន់ដំណើរការនោះទេ។ Samsung បន្ថែមទៀតថា ខ្លួននឹងផ្ដល់បច្ចេកវិទ្យាអេក្រង់ និងសហការជាមួយក្រុមហ៊ុន “B2B client” សម្រាប់ការធ្វើតេស្ដ ហើយក្រុមហ៊ុនជឿថា វានឹងដាក់ឲ្យដំណើរការក្នុងពេលឆាប់ៗនេះ៕

ប្រភព Sabay News

Monday, June 22, 2015