កាសស្ដាប់វ័យឆ្លាតជួយអ្នកឲ្យគេងលក់ស្រួល និងជួយការចងចាំ ~ KAS4UAll

កាសស្ដាប់វ័យឆ្លាតជួយអ្នកឲ្យគេងលក់ស្រួល និងជួយការចងចាំ

ការ សិក្សាកន្លងទៅបានបង្ហាញថា ការពាក់កាសនឹងត្រចៀកយូរប៉ះពាល់ដល់អ្នកប្រើប្រាស់ ប៉ុន្តែកាសពាក់ត្រចៀកវ័យឆ្លាតមួយនេះត្រូវគេអះអាងថា នឹងផ្ដល់ផលវិជ្ជមានដែលអ្នក មិននឹកស្មានដល់ទៅវិញ។

kokoon-headphones-8-970x647-c

កាសត្រចៀកដែលមានឈ្មោះថា Kokoon ត្រូវបានបង្កើតឡើងសម្រាប់ជួយឲ្យអ្នកគេងលក់បានស្រួល និងជំនួយការចងចាំ ដែលខុសប្លែកពីកាសត្រចៀកដទៃ។

Kokoon មាន Sensor ម្យ៉ាងឈ្មោះEGG អាចត្រួតពិនិត្យរលកសញ្ញានៃខួរក្បាល និងវាស់ស្ទង់កម្រិតនៃការតាំងសមាធិរបស់អ្នកបានយ៉ាងច្បាស់លាស់ ដើម្បីឲ្យអ្នកឆាប់គេងលក់។ Kokoonមាន Sensor ឆ្លាតវ័យដែលអាចបន្ថយសំឡេងចម្រៀងនៅពេលដែលអ្នកគេងលក់ ឬមួយផ្លាស់ប្ដូរទៅកាន់សំឡេងមួយប្រភេទទៀតក្នុងករណីដែលអ្នកគេង មិនបានគ្រប់គ្រាន់។ វានឹងចាប់ផ្ដើមស្វែងយល់ពីវិធីសាស្ត្រនិងសំឡេងប្រភេទណាដែល ល្អសម្រាប់ការគេងរបស់អ្នក។

kokoon-headphones-3-970x647-c

កាសស្ដាប់ Kokoon

ក្រុមអ្នកបង្កើតកាសនេះកំពុងសិក្សាពីវិធីសាស្ត្រមួយដែលអាច ជួយបង្កើនការចងចាំបាន។ កាសត្រចៀកនេះកំពុងស្ថិតក្នុងដំណាក់កាលនៃការផលិតនៅឡើយ ហើយកាលបរិច្ឆេទដែលនឹងដាក់សម្ពោធកាសនេះអាចនឹងធ្វើឡើងនៅដើម ឆ្នាំក្រោយ៕

ប្រភព Sabay News

Monday, June 22, 2015