កាល ពីថ្ងៃទី២០ ខែមិថុនា ឆ្នាំ២០១៥នេះ មានករណីផ្ទុះទូរសព្ទ iPone 6 របស់ក្រុមហ៊ុន Apple ដំបូង នៅប្រទេសឥណ្ឌាទៅលើបុរសម្នាក់ដែលជាថៅកែភោជនីដ្ឋាន បន្ទាប់ពីបានទិញមកប្រើរយៈពេលតែ២ថ្ងៃប៉ុណ្ណោះ។
Kishan Yadav ដែលជាថៅកែភោជនីយដ្ឋានមួយកន្លែងបានបញ្ជាក់ថា ពេលលោកកំពុងតែបើឡានលើដងផ្លូវ MG Road បណ្ដើរ លោកប្រើទូរសព្ទនោះខលទៅមិត្តភ័ក្ដរបស់លោកបណ្ដើរ ខណៈនោះលោកសង្កេតឃើញមានផ្កាភ្លើងក្នុងទូរសព្ទ និងឡើងកម្ដៅយ៉ាងខ្លាំង។ ភ្លាមនោះ លោកក៏បានបោះវាចោលចេញពីឡាន ហើយវាក៏ផ្ទុះភ្លាមៗពេលប៉ះនឹង ដី។
លោកបានបន្ថែមទៀតថា ពេលនោះទូរសព្ទគឺកំពុងខលនៅឡើយ ហើយថាមពលថ្មគឺប្រហែលជា ៧០%។ បើលោកមិនបោះចោលទេ ផ្ទៃមុខរបស់គាត់អាចឆេះរលាកបាន។
នេះគឺជាករណីដំបូងដែលបានកើតឡើងនៅក្នុងប្រទេសឥណ្ឌាចាប់ តាំងពីថ្ងៃដាក់លក់ iPhone 6 កាលពីខែតុលា ឆ្នាំ ២០១៤ មក។ អ្នកតំណាងរបស់ Apple ម្នាក់បាននិយាយថា ពួកគេកំពុងតែស៊ើបអង្កេតលើហេតុការណ៍នេះ ហើយខ្លួនពុំដែលបានទទួលបណ្ដឹងករណីបែបនេះទេក្នុងប្រទេសឥណ្ឌា ពីមុនមក។
ហេតុការណ៍នេះបានកើតឡើងនៅក្នុងទីក្រុង Gurgaon ថ្ងៃទី២០ មិថុនាប៉ុន្តែទើបតែបានលេចលឺនៅថ្ងៃអង្គារម្សិលមិញនេះបន្ទាប់ ពីអ្នកប្រើប្រាស់បានដាក់ពាក្យបណ្ដឹងទៅប៉ូលិស។
Yadav បានអះអាងថា លោកបានទិញ iPhone 6 ពីហាងទូរសព្ទធំមួយនៅក្នុងផ្សារ Galleria ក្នុងតម្លៃ ៦០ ០០០ រូពី (៩៤២ ដុល្លារអាមេរិក) កាលពីថ្ងៃទី ១៨ ខែមិថុនានេះ ពណ៌ប្រផេះទំហំ 64GB។
នៅថ្ងៃច័ន្ទ Yadav បានយកទូរសព្ទទៅហាងដែលគាត់បានទិញ ហើយទូរសព្ទនោះក៏ត្រូវបានបញ្ជូនបន្តទៅកន្លែងសេវាបម្រើកម្ម របស់ Apple។ លោកបានបញ្ជាក់ថា បុគ្គលិកនៅទីនោះបានឲ្យគាត់បង់លុយកក់ឲ្យពួកគេ នោះពួកគេនឹងផ្ដល់ទូរសព្ទថ្មីឲ្យគាត់។ ក្រោយមកគាត់ក៏បានប្ដឹងប៉ូលិស៕
ប្រភព Sabay News
11:46 PM
Unknown
Posted in: 
Post a Comment
0 comments
Dear readers, after reading the Content please ask for advice and to provide constructive feedback Please Write Relevant Comment with Polite Language.Your comments inspired me to continue blogging. Your opinion much more valuable to me. Thank you.