លក្ខណៈពិសេស ១០ យ៉ាងខុសគ្នារវាង iOS8 និង iOS9

ការវិវត្តន៍នៃប្រព័ន្ធប្រតិបត្តិការ iOS8 ទៅ iOS9 បានធ្វើឳ្យអតិថិជនមានការចាប់អារម្មណ៍ជាខ្លាំង។ ការធ្វើការ Update នេះគឺមានការកែប្រែចំណុចមួយចំនួននិងលម្អថ្មីផងដែរ។ ថ្ងៃនេះខាងពពកយើងខ្ញុំនឹងធ្វើការប្រៀបធៀបចំណុច១០យ៉ាងដែលមាន លក្ខណៈខុសគ្នារវាង iOS9 ថ្មីនិង iOS8 ។

1. ការផ្លាស់ប្តូរ App Switcher 

វាមានការផ្លាស់ប្ដូរក្នុង App-Switcher ដែលធ្វើឳ្យ App មួយចំនួនប្រសើរជាងមុន។ Apple iOS9 មានលក្ខណៈអាចត្រួតពិនិត្យកម្មវិធីដែលខុសពីមុន។ ដែលកម្មវិធីទាំងនោះស្ថិតក្នុងជ្រុងៗតាម App-Switcher ដែលនៅ Step-by-Step ។ Cards App នោះមានទំហំធំៗជាងមុនហើយវាក៏មាននាទី Recent និង Favorite Contacts ជាមួយ App-Switcher ។

2. ចំណុចថ្មីក្នុង Spotlight / Search 

iOS9 ថ្មីនេះត្រូវបានរចនាបន្ថែមថ្មីៗនៅតួនាទីជាច្រើនដូចជាការស្វែងរក ពិន្ទុកីឡាធំៗ , កាលវិភាគព័តមាននានា , ព្យាករណ៍អាកាសធាតុ , តម្លៃភាគហ៊ុន..... រួមជាមួយមុខងារក្នុងការស្វែងរកថ្មីជាច្រើនទៀត។ ហើយ iOS9 ក៏បានរចនានៅរបាស្វែងរកនោះដោយផ្ទៃខាងក្រោយ ប្រផេះទៅជាល្អក់វិញ(ដូចក្នុងរូបភាពខាងលើ)។ ហើយវាមាន Voice Dictation (ការនិយាយ) រហ័សជាងមុនផងដែរ ទាំងការស្វែងរកជាដើម។

3. ផ្ដល់ព័តមានលម្អិតស្ដីពីការប្រើប្រាស់ថ្ម 

ឥឡូវនេះក្នុង iOS9 ប្រិយមិត្តអាចពិនិត្យកម្រឹងប្រើប្រាស់ថ្មក្នុង iPhone ឬ iPad របស់ប្រិយមិត្តបានលម្អិតជាងមុនទៀតផង។ វាបង្ហាញចំនួនភាគរយនិងចំនួនពេលវេលាក្នុង Screen របស់ប្រិយមិត្តយ៉ាងលម្អិតនិងត្រឹមត្រូវ។ ការ Update ថ្មីនេះពិតជាអាចផ្ដល់ប្រយោជន៍ដល់អតិថិជនខ្លាំងណាស់ក្នុងការប្រើប្រាស់ថ្ម។ ប្រិយមិត្តអាចចូលទៅមើលបានក្នុង Setting បន្ទាប់ក្នុង Battery instead of Settings បន្ទាប់ទៀត General ហើយយក Usage បន្តរទៀតយកពាក្យ Battery Usage ដើម្បីពិនិត្យមើល។

4. Back Button ថ្មី

ការ Update ថ្មីនៃប៊ូតុងថយក្រោយ (Back Button) ដែលបានធ្វើការរចនាដោយខាងការងារ UI របស់ក្រុមហ៊ុន Apple ។ វាអាចមានសមត្ថភាពក្នុងការចុចត្រឡប់ថយក្រោយដោយស្រួលក្នុង Notifications ។ ឧទាហរណ៍ប្រិយមិត្តកំពុងស្ថិតក្នុង Safari ហើយប្រិយមិត្តនឹងទទួលដំណឹងជាសារ។ ហើយប្រិយមិត្តក៏អាចត្រឡប់ក្រោយផងដែរដោយគ្រាន់ចុច Back to Search ក្នុងរបាខាងលើនៃអេក្រង់ស្មាតហ្វូនរបស់ប្រិយមិត្តនៅជ្រុងខាងលើផ្នែកខាងឆ្វេង។

5. ការស្វែងរកក្នុង Settings 

ទីបំផុត Apple បានដាក់ឳ្យប្រិយមិត្តនូវមុខងារដ៏ស្រួលថ្មីមួយទៀតនៅក្នុង Setting ។ មុខងារនោះគឺប្រព័ន្ធប្រតិបត្តិការ iOS9 ថ្មីអាចមានតួនាទី Search (ស្វែងរក) ដោយរហ័សជាងការស្វែងរកធម្មតា ក្នុងការកំណត់ឬចង់ផ្លាស់ប្ដូរនានាក្នុង Setting ។

6. តួអក្សរធំជាងមុននៅលើ Keyboard 

ជាថ្មីនេះ iOS9 បានរចនាក្ដារវាយអក្សររបស់ខ្លួនឳ្យធំជាងមុនទោះបីប្រិយមិត្តមិនតំឡើងវាក៏ដោយ។ គ្រប់តួរអក្សរគឺធំជាងមុនដែលវាយនៅក្នុង iOS8 ។ វាមានលក្ខណៈធំស្រឡះមើលនៅពេលប្រិយមិត្ត វាយអក្សរក្នុង Notes ដើម្បីកំណត់សម្គាល់របស់ប្រិយមិត្ត។

7. Maps App 

នៅពេលប្រិយមិត្តចុចប៊ូតុងស្វែងរក (Search bar) នោះប្រិយមិត្តប្រាកដ៏ជាឃើញយ៉ាងរហ័សនៅមុខងារថ្មីនៅពីខាងក្រោមរបារនោះ។ វាមាននាទីស្វែងរកតំបន់ឳ្យប្រិយមិត្តដែលជាទីតាំងនៅជិតប្រិយមិត្តបំផុតដូចជា ផ្សារ , ភោជនីយដ្ឋាន , មន្ទីពេទ្យ , កន្លែងធ្វើដំណើរ , ហាងសំលៀកបំពាក់ ... ជាដើម។ ប្រិយមិត្តគ្រាន់តែចុចនៅលើ icon ទាំងនោះដើម្បីរកមើលយ៉ាងងាយ។

8. ការរចនាថ្មីនូវ Apple’s Map iOS9 

ផែនទីក្នុង Apple iOS9 នេះត្រូវបានរចនាថ្មីម្ដងទៀតដើម្បីបង្ករភាពងាយស្រួលដល់ប្រិយមិត្តក្នុងការចូលទៅមើល។ ដូច្នេះប្រិយមិត្តអាចរុករកតាមបណ្ដាលទីក្រុងនានាក្នុងពិភពលោក រួមទាំងសេវារថយន្តក្រុង , សាឡាង , Taxi , ផ្លូវរថភ្លើង ព្រមទាំងផ្លូវក្រោមដីទៀតផង។ Map iOS9 ថ្មីនេះអាចបង្ហាញជាដំណាក់កាលៗឳ្យប្រិយមិត្តយ៉ាងលម្អិតជាងមុន។

9. Printer ក្នុង iOS9 

ជម្រើសបោះពុម្ពក្នុងពេលនេះរបស់ iOS9 កាន់តែប្រសើរសម្រាប់ប្រិយមិត្ត។ វាអាចបង្ហាញដល់ប្រិយមិត្តក្នុងការបោះពុម្ពយ៉ាងល្អ ដោយប្រិយមិត្តអាចកំណត់សឬខ្មៅ កំណត់ចំនួនសន្លឹកទៅម៉ាស៊ីនបោះពុម្ពទៀតផង។

10. Picture-in-Picture 

ពេលនេះប្រិយមិត្តអាចទស្សនាភាគយន្តឬបទចម្រៀងដោយកំពុងជជែកកម្សាន្តឬរុករកកម្មវិធីថ្មីមួយទៀតបានយ៉ាងងាយស្រួល។ iOS9 បានដាក់បញ្ចូលនូវកម្មវិធីថ្មីគឺ Picture-in-Picture សម្រាប់បម្រើដល់អតិថិជន។ ប្រិយមិត្តក៏អាចប្ដូរទំហំនោះបានតាមចំណង់ចិត្ត។ ហើយចំពោះរូបភាពក្នុងវីឌីអូនោះគឺដំណើរការបានយ៉ាងលឿនដោយមិនរារាំងដោយឬអ័កនោះទេ។

ប្រភព PorPok

• Tweet
• Share
• Share
• Share
• Share