មូលហេតុចឹងសោះ ដែលមនុស្សគ្រប់រូបមិនគួរប្រើទូរសព្ទពេលកំពុងសាកថ្ម ~ KAS4UAll

មូលហេតុចឹងសោះ ដែលមនុស្សគ្រប់រូបមិនគួរប្រើទូរសព្ទពេលកំពុងសាកថ្ម

មនុស្ស ភាគច្រើនចូលចិត្តប្រើទូរសព្ទរបស់ពួកគេស្ទើរតែគ្រប់ពេល មិនថាវេលាណានោះទេ។ បើទោះបីជាអស់ថ្មយ៉ាងណាក៏ដោយ ក៏ពួកគេឆ្លៀតពេលសាកថ្មបណ្ដើរ និងប្រើប្រាស់បណ្ដើរដែរ។ ប៉ុន្តែអ្នកប្រើប្រាស់ភាគច្រើនគឺពុំសូវចាប់អារម្មណ៍ថា ទង្វើរបែបនេះគឺអាចធ្វើឲ្យមានបញ្ហាមួយចំនួនកើតឡើងនោះទេ។ ដូច្នេះខាងក្រោមនេះគឺជាហេតុផលមួយចំនួនដែលអ្នកប្រើប្រាស់គ្រប់ រូបគួរយល់ដឹង៖

image_thumb155

ឡើងកម្ដៅ

image_thumb156

ការឡើងកម្ដៅជារឿងដំបូងមួយដែលកើតឡើងខណៈប្រើប្រាស់ទូរសព្ទ កំពុងតែសាកថ្ម។ អ្នកប្រើប្រាស់មួយចំនួនគិតថា ការឡើងកម្ដៅគឺមិនជាបញ្ហាធំដុំនោះទេ តែការគិតបែបនេះអាចជាការយល់ច្រឡំមួយ ព្រោះបើធ្វើបែបនេះជាញឹកញាប់វាអាចធ្វើឲ្យមានបញ្ហាមួយ ចំនួនដូចជា៖

– អាចធ្វើឲ្យខូចសារធាតុគីមីនៅក្នុងថ្ម
– អាចធ្វើឲ្យផ្ទុះថ្មទូរសព្ទ ឬ
- អាចធ្វើឲ្យទូរសព្ទមិនអាចបើកបាន (Turning “ON”)។

ប៉ោងថ្ម

image_thumb157

សាកថ្មបណ្ដើរប្រើបណ្ដើរ ក៏អាចធ្វើឲ្យទំហំថ្មប៉ោងបានដែរ។ នៅពេលដែលថ្មចាប់ផ្ដើមប៉ោងវាក៏អាចធ្វើឲ្យថ្មជួបបញ្ហាមួយ ចំនួនផ្សេងទៀតដែរដូចជា៖

– អាចផ្ទុះ ឬឆេះបាន

– សមត្ថភាពសាកថាមពលយឺតជាងមុន ឬ
– ខូចថ្មតែម្ដង
ដូច្នេះប្រសិនបើមានករណីបែបនេះកើតមាន អ្នកគួរតែផ្លាស់ប្ដូរវាចេញគឺជាការល្អ។

ចុះថយសមត្ថភាពផ្ទុកថាមពល
វាគឺជាផលប៉ះពាល់មួយផងដែរ ព្រោះវាធ្វើឲ្យចុះថយសមត្ថភាពផ្ទុកថាមពលរបស់ថ្ម។ ចំពោះថ្មភាគច្រើន គឺជាធម្មតាពេលសាកពេញម្ដងគឺអាចប្រើបានពី ១៥ ទៅ ១៨ ម៉ោង។ ប៉ុន្តែបន្ទាប់ពីកើតមានបញ្ហានៃការប្រើប្រាស់វាខណៈពេលសាក វាអាចធ្វើថយចុះសមត្ថភាពផ្ទុកថាមពលដោយសល់ត្រឹមតែ ៧ ទៅ ៨ ម៉ោងតែប៉ុណ្ណោះ។ ដូច្នេះវាបានថយចុះដល់ទៅ ៣ ទៅ ៤ ម៉ោង។

មានបញ្ហាទៅឆ្នាំងសាក
ក្នុងចំណុចនេះដែរ ការប្រើប្រាស់ទូរសព្ទកំពុងសាកថ្មគឺវាអាចដាក់សម្ពាធធ្ងន់ដល់ ឆ្នាំងសាក ដូចជាធ្វើឲ្យឡើងកម្ដៅ ឬខូចឆ្នាំងសាកតែម្ដង។ ដូច្នេះកាលណាខូចអ្នកគឺត្រូវតែទិញថ្មី តែការទិញថ្មីអ្នកអាចប្រឈមនឹងបញ្ហាដូចជា៖

– ទិញចំឆ្នាំងសាកមានគុណភាពមិនល្អ ធ្វើឲ្យសាកយឺត
– ទិញឆ្នាំងសាកថ្មីរបស់ក្រុមហ៊ុនគឺវាមានតម្លៃថ្លៃ
- ទិញរបស់ក្លែងក្លាយ វាអាចធ្វើឲ្យមានគ្រោះថ្នាក់ដោយប្រការណាមួយ។

អាចធ្វើឲ្យគ្រោះថ្នាក់ដល់អ្នកប្រើប្រាស់ផ្ទាល់

image_thumb158

កន្លងទៅមានករណីគ្រោះថ្នាក់បានកើតឡើងដោយសារការប្រើប្រាស់ទូរសព្ទពេលកំពុងសាកថ្ម។ ជាក់ស្ដែងដូចជា៖

– នៅខែមករាឆ្នាំ ២០១៤ ក្មេងអាយុ១០ឆ្នាំម្នាក់បានគ្រោះថ្នាក់ធ្ងន់ធ្ងរដោយសារប្រើទូរសព្ទ កំពុងសាកថ្ម
- នៅខែវិឆ្ឆិកា ឆ្នាំ ២០១៣ បុរសជនជាតិថៃម្នាក់បានស្លាប់ដោយសារឆក់អគ្គិសនីខណៈកំពុងពេលសាកថ្មទូរសព្ទ និង
- នៅខែកក្កដា ឆ្នាំ២០១៣ ស្ត្រីម្នាក់បានស្លាប់ខណៈកំពុងប្រើប្រាស់ iPhone 5 ពេលសាកថ្មទូរសព្ទ។

ដូច្នេះទាំងនេះជាឧទាហរណ៍ សម្រាប់អ្នកដែលចូលចិត្តប្រើប្រាស់ទូរសព្ទពេលកំពុងសាកថ្ម៕

ប្រភព Sabay News

Saturday, June 27, 2015