ភ្នំពេញៈ លោកនាយករដ្ឋមន្ត្រី ហ៊ុន សែន
កាលពីថ្ងៃពុធបានហៅសំណើតំណាងរាស្ត្រគណបក្សប្រឆាំងឲ្យអភិវឌ្ឍ
តំបន់អារ៉ែងជាតំបន់អេកូទេសចរណ៍ថា ជារឿងដដែលៗ។
ការឆ្លើយតបនេះបានធ្វើឡើងបន្ទាប់ពីក្រុមអ្នកតំណាងគណបក្ស សង្គ្រោះជាតិ ៦ រូប បានដាក់លិខិតទៅលោកនាយករដ្ឋមន្ត្រី ហ៊ុន សែន តាមរយៈប្រធានរដ្ឋសភា កាលពីថ្ងៃទី ១៩ ខែឧសភា ស្នើឲ្យអភិវឌ្ឍតំបន់អារ៉ែង ទៅជាតំបន់អេកូទេសចរណ៍។
លិខិតបន្តថា ការប្រែក្លាយតំបន់អារ៉ែងទៅជាតំបន់អេកូទេសចរណ៍ ក៏ជាចំណែកមួយក្នុងការជួយរកថវិកាជាតិ និងការផ្តល់ផលប្រយោជន៍យ៉ាងធំធេងដល់ប្រជាពលរដ្ឋដែលរស់នៅតំបន់នោះ ផងដែរ។
លោកនាយករដ្ឋមន្ត្រី ហ៊ុន សែន លើកឡើងនៅក្នុងលិខិតចុះថ្ងៃទី ២ មិថុនាថា សំណើរបស់ក្រុមអ្នកតំណាងរាស្ត្រ គឺជាករណីដដែលៗ ដែលរាជរដ្ឋាភិបាលធ្លាប់បានឆ្លើយបំភ្លឺជូនរដ្ឋសភា ២ លើករួចមកហើយ កាលពីថ្ងៃទី ១១ ខែមិថុនា ឆ្នាំ ២០១២ និងថ្ងៃទី ១៥ ខែមករា ឆ្នាំ ២០១៥។
តាមលិខិតរបស់រាជរដ្ឋាភិបាល ផ្ញើជូនរដ្ឋសភា កាលពីថ្ងៃទី ១៥ ខែមករា ឆ្នាំ ២០១៥ រាជរដ្ឋាភិបាលចាត់ទុកតំបន់អារ៉ែង ជាទ្រព្យសម្បត្តិដ៏វិសេសវិសាល ដែលត្រូវធ្វើការអភិវឌ្ឍ និងអភិរក្សប្រកបដោយការយកចិត្តទុកដាក់ខ្ពស់។
លិខិតដដែលបញ្ជាក់ថា៖ «បើទោះបីជាមាន ឬគ្មានគម្រោងវារីអគ្គិសនីនេះក៏ដោយ ការប្រែក្លាយតំបន់អារ៉ែងជាតំបន់អេកូទេសចរណ៍ គឺជារបៀបវារៈដែលរាជរដ្ឋាភិបាលកំពុងគិតគូរ និងប្តេជ្ញាអនុវត្តឲ្យបាន»។
លោក អ៊ុំ សំអាន តំណាងរាស្ត្រគណបក្សសង្គ្រោះជាតិមួយរូប ក្នុងចំណោម ៦ រូប ដែលបានដាក់លិខិតទៅលោកនាយករដ្ឋមន្ត្រី មានប្រសាសន៍ថា ការឆ្លើយតបលើកមុនៗរបស់រដ្ឋាភិបាល នៅមិនទាន់ច្បាស់លាស់នៅឡើយទេ។
លោកបញ្ជាក់ថា៖ «ការឆ្លើយតបរបស់គាត់ [នាយករដ្ឋមន្ត្រី] ថាកំពុងសិក្សាដើម្បីអភិវឌ្ឍនៅតំបន់ហ្នឹង អ៊ីចឹងពាក្យថាកំពុងសិក្សាវាយូរហើយ វាច្រើនពេកហើយ យើងចង់បានចម្លើយច្បាស់ថាធ្វើតំបន់អេកូទេសចរណ៍ ឬមិនធ្វើ បើធ្វើគួរតែចេញអនុក្រឹត្យមួយសម្រេចទៅ»។
តាមរបាយការណ៍អង្គការមាតាធម្មជាតិ បច្ចុប្បន្ននេះ នៅតំបន់អារ៉ែងមានទីតាំងទេសចរណ៍ជាង ២៥ កន្លែង។ តំបន់អារ៉ែង ជាតំបន់ដែលនៅសេសសល់ធនធានធម្មជាតិ និងសត្វកម្រជាង ៣០ ប្រភេទ ហើយក៏ជាតំបន់ព្រៃឈើចុងក្រោយរបស់កម្ពុជាផងដែរ៕
ប្រភព Phnom Penh Post
ការឆ្លើយតបនេះបានធ្វើឡើងបន្ទាប់ពីក្រុមអ្នកតំណាងគណបក្ស សង្គ្រោះជាតិ ៦ រូប បានដាក់លិខិតទៅលោកនាយករដ្ឋមន្ត្រី ហ៊ុន សែន តាមរយៈប្រធានរដ្ឋសភា កាលពីថ្ងៃទី ១៩ ខែឧសភា ស្នើឲ្យអភិវឌ្ឍតំបន់អារ៉ែង ទៅជាតំបន់អេកូទេសចរណ៍។
លិខិតបន្តថា ការប្រែក្លាយតំបន់អារ៉ែងទៅជាតំបន់អេកូទេសចរណ៍ ក៏ជាចំណែកមួយក្នុងការជួយរកថវិកាជាតិ និងការផ្តល់ផលប្រយោជន៍យ៉ាងធំធេងដល់ប្រជាពលរដ្ឋដែលរស់នៅតំបន់នោះ ផងដែរ។
លោកនាយករដ្ឋមន្ត្រី ហ៊ុន សែន លើកឡើងនៅក្នុងលិខិតចុះថ្ងៃទី ២ មិថុនាថា សំណើរបស់ក្រុមអ្នកតំណាងរាស្ត្រ គឺជាករណីដដែលៗ ដែលរាជរដ្ឋាភិបាលធ្លាប់បានឆ្លើយបំភ្លឺជូនរដ្ឋសភា ២ លើករួចមកហើយ កាលពីថ្ងៃទី ១១ ខែមិថុនា ឆ្នាំ ២០១២ និងថ្ងៃទី ១៥ ខែមករា ឆ្នាំ ២០១៥។
តាមលិខិតរបស់រាជរដ្ឋាភិបាល ផ្ញើជូនរដ្ឋសភា កាលពីថ្ងៃទី ១៥ ខែមករា ឆ្នាំ ២០១៥ រាជរដ្ឋាភិបាលចាត់ទុកតំបន់អារ៉ែង ជាទ្រព្យសម្បត្តិដ៏វិសេសវិសាល ដែលត្រូវធ្វើការអភិវឌ្ឍ និងអភិរក្សប្រកបដោយការយកចិត្តទុកដាក់ខ្ពស់។
លិខិតដដែលបញ្ជាក់ថា៖ «បើទោះបីជាមាន ឬគ្មានគម្រោងវារីអគ្គិសនីនេះក៏ដោយ ការប្រែក្លាយតំបន់អារ៉ែងជាតំបន់អេកូទេសចរណ៍ គឺជារបៀបវារៈដែលរាជរដ្ឋាភិបាលកំពុងគិតគូរ និងប្តេជ្ញាអនុវត្តឲ្យបាន»។
លោក អ៊ុំ សំអាន តំណាងរាស្ត្រគណបក្សសង្គ្រោះជាតិមួយរូប ក្នុងចំណោម ៦ រូប ដែលបានដាក់លិខិតទៅលោកនាយករដ្ឋមន្ត្រី មានប្រសាសន៍ថា ការឆ្លើយតបលើកមុនៗរបស់រដ្ឋាភិបាល នៅមិនទាន់ច្បាស់លាស់នៅឡើយទេ។
លោកបញ្ជាក់ថា៖ «ការឆ្លើយតបរបស់គាត់ [នាយករដ្ឋមន្ត្រី] ថាកំពុងសិក្សាដើម្បីអភិវឌ្ឍនៅតំបន់ហ្នឹង អ៊ីចឹងពាក្យថាកំពុងសិក្សាវាយូរហើយ វាច្រើនពេកហើយ យើងចង់បានចម្លើយច្បាស់ថាធ្វើតំបន់អេកូទេសចរណ៍ ឬមិនធ្វើ បើធ្វើគួរតែចេញអនុក្រឹត្យមួយសម្រេចទៅ»។
តាមរបាយការណ៍អង្គការមាតាធម្មជាតិ បច្ចុប្បន្ននេះ នៅតំបន់អារ៉ែងមានទីតាំងទេសចរណ៍ជាង ២៥ កន្លែង។ តំបន់អារ៉ែង ជាតំបន់ដែលនៅសេសសល់ធនធានធម្មជាតិ និងសត្វកម្រជាង ៣០ ប្រភេទ ហើយក៏ជាតំបន់ព្រៃឈើចុងក្រោយរបស់កម្ពុជាផងដែរ៕
ប្រភព Phnom Penh Post
8:50 AM
Unknown
Posted in: 
