Chrome ធ្វើឲ្យ MacBook អស់ថ្មលឿន ចំណែកបណ្ដាញសង្គមមាន Facebook ក៏ស៊ីថ្មដែរ ~ KAS4UAll

Chrome ធ្វើឲ្យ MacBook អស់ថ្មលឿន ចំណែកបណ្ដាញសង្គមមាន Facebook ក៏ស៊ីថ្មដែរ

Chrome គឺជា Browser មួយដែលទទួលបានការគាំទ្រច្រើនពីសំណាក់អ្នកប្រើប្រាស់ ដោយសារតែវាមានចំណុចពិសេសមួយចំនួនធ្វើឲ្យមានភាពងាយស្រួលក្នុងការប្រើប្រាស់។ ប៉ុន្តែបើតាមការសិក្សាកាលពីថ្មីៗនេះបានបង្ហាញថា ការប្រើប្រាស់ Browser Chrome ធ្វើឲ្យ MacBook របស់អ្នកអស់ថ្មលឿនជាងប្រើ Browser ដទៃ។

ក្រុមហ៊ុន BatteryBox បានធ្វើការសិក្សាលើ Browser ចំនួនបី គឺ Chrome, Firefox និង Safari ដើម្បីដឹងថាតើ Browser មួយណាដែលអាចប្រើប្រាស់លើ MacBook បានយូរជាងគេ។ តាមរយៈការសិក្សា រកឃើញថា ការលេងអ៊ីនធឺណិតលើ MacBook ដោយប្រើប្រាស់ Safari ជាមធ្យមអាចបានរយៈពេល ៦,៥ម៉ោង ចំណែកឯ Firefox គឺបាន ៥,៥ម៉ោង ខណៈពេលដែល Chrome បានត្រឹម ៥ម៉ោងប៉ុណ្ណោះ។

ការសិក្សាក៏បានបង្ហាញផងដែរអំពីវិបសាយណាដែលប្រើប្រាស់ថាមពលថ្មអស់ច្រើនជាងគេ។ បើនិយាយអំពីការផ្ញើសារ គេរកឃើញថា Yahoo Mail ប្រើប្រាស់ថាមពលអស់តិចជាងគេ ចំណែកឯ Gmail ប្រើប្រាស់ថាមពលអស់ច្រើនជាងគេ។

មួយវិញទៀតគឺការប្រើប្រាស់បណ្ដាញសង្គមវិញគឺ Facebook ប្រើប្រាស់ថាមពលអស់ច្រើនជាងគេ ខណៈពេលដែល Instagram ប្រើប្រាស់ថាមពលអស់តិចជាងគេ៕