បឹងកេត ៥–១ ស៊ីម៉ាក, ណាហ្គា ២–១ ការពារជាតិ, ខេមបូឌានថាយហ្គ័រ ៤

បឹងកេត ៥–១ ស៊ីម៉ាក, ណាហ្គា ២–១ ការពារជាតិ, ខេមបូឌានថាយហ្គ័រ ៤–២ អាស៊ីអឺរ៉ុប

ក្រុមបឹងកេតអង្គរ ក្រុមណាហ្គាវើល និង ក្រុមខេមបូឌានថាយហ្គ័រ រកបាន ៣ ពិន្ទុនៅប្រកួតបិទសប្ដាហ៍ទី ៩ ជុំទី១ នៃពានរង្វាន់បាល់ទាត់មិត្តហ្វូនខេមបូឌានលីក ២០១៥ (MCL 2015) នៅរសៀលថ្ងៃព្រហស្បត្តិ ទី ៣០ ខែ កក្កដា នេះដូចគ្នា។

សរុបលទ្ធផលសប្ដាហ៍ទី៥ នៃពានរង្វាន់ MCL 2015
ភ្នំពេញក្រោន	១ – ០	បៀលប្រាយយូណាយធីត
ស្វាយរៀង	២ – ១	គិរីវង់សុខសែនជ័យ
អគ្គស្នងការដ្ឋាននគរបាលជាតិ	៣ – ០	វេស្ទើនភ្នំពេញ
ណាហ្គាវើល	២ – ១	ក្រសួងការពារជាតិ
បឹងកេតអង្គរអែហ្វស៊ី	៥ – ១	មជ្ឈមណ្ឌលកំចាត់មីនកម្ពុជា
ខេមបូឌានថាយហ្គឺរ	៤ – ២	អាស៊ីអឺរ៉ុបយូណាយធីត

បឹងកេតអង្គរ បានយកឈ្នះ ស៊ីម៉ាក់ ដោយលទ្ធផល ៥ ទល់ ១ នៅបាទី ស្របពេលខ្សែប្រយុទ្ធ ចាន់ វឌ្ឍនាកា រកគ្រាប់បាល់បាន ៣ គ្រាប់ម្នាក់ឯង ហើយ ឃួន ឡាបូរ៉ាវី និង សុខ ផេង រកបានម្នាក់១ គ្រាប់ ហើយកីឡាករ មួង ផានិត រកបាន១ គ្រាប់វិញតដៃឱ្យក្រុមស៊ីម៉ាក់។

ចំពោះក្រុមខេមបូឌានថាយហ្គ័រ បានយកឈ្នះក្រុមអាស៊ីអឺរ៉ុប ៤ ទល់ ២ នៅកីឡដ្ឋានវេស្ទើន ខណៈ សុខ ចាន់រស្មី រកបាន ២ គ្រាប់ម្នាក់ឯង ហើយ សួង វីរៈ និង Private រកបានម្នាក់ ១ គ្រាប់ឱ្យក្រុមដែលមានម្ចាស់ក្លិបជាជនជាតិជប៉ុនមួយនេះ។ ចំណែកកីឡាករ Kelechi រកគ្រាប់បាល់បាន ២ គ្រាប់ម្នាក់ឯងឱ្យអាស៊ីអឺរ៉ុប។

ណាហ្គាវើល អាចរកបានជ័យជម្នះវិញហើយចាញ់ ៣ ប្រកួតជាប់គ្នា បន្ទាប់ពីយកឈ្នះក្រុមក្រសួងការពារជាតិ ២ ទល់ ១ នៅបាទី។ ឃឹម បុរី និង Barry រកគ្រាប់បាល់ឱ្យណាហ្គា ហើយ ភួង សុខសាណា រកបាន ១ គ្រាប់ឱ្យការពារជាតិ៕

ប្រភព Sabay News

Thursday, July 30, 2015