ឡូយម៉្លេះ! គ្រាន់តែឈរមុខ Virtual Mirror អាចលខោអាវបានយ៉ាងងាយដោយមិនបាច់ដោះចេញ ~ KAS4UAll

ឡូយម៉្លេះ! គ្រាន់តែឈរមុខ Virtual Mirror អាចលខោអាវបានយ៉ាងងាយដោយមិនបាច់ដោះចេញ

ការ ដើរ Shopping សម្រាប់មិត្តៗនារីគឺជា ចំណង់ចំណូលចិត្តដែលមិនអាចខ្វះបាននៅពេលទំនេរ។ ពេលខ្លះ អ្នកទិញបានហើយនៅពិបាកមកលសំលៀកបំពាក់ទាំងនោះចុះឡើងទៀត។ បើសមមិនអីទេ តែបើមិនសមវិញ អ្នកត្រូវដោះចេញហើយលទំហំថ្មីទៀតពិតជាសាំចិត្ត។ ឥលូវនេះ អ្នកលែងពិបាកត្រូវដោះខោអាវលដូចមុនទៀតហើយ ព្រោះ Virtual Mirror អាចជួយដល់អ្នកបាន។ Virtual Mirror គឺជាកញ្ចក់ពិសេសដែលប្រើបច្ចេកវិទ្យាទំនើបចុងក្រោយអាចឲ្យ អ្នកលសំលៀកបំពាក់បាន ដោយងាយគ្រាន់តែជ្រើសរើសសំលៀកបំពាក់ដែលអ្នកចូលចិត្ត រួចស្កេនទំហំដងខ្លួនរបស់អ្នក វានឹងស្កេនខោអាវឲ្យត្រូវនឹងទំហំដងខ្លួនរបស់អ្នកតែម្ដង។

និស្សិតស្រី ម្នាក់កំពុងសាកល្បងប្រើប្រាស់ Virtual Mirror នៅវិទ្យាស្ថានជាតិបច្ចេកវិទ្យានាពេលកន្លងមក

តើកញ្ចក់ដ៏ទំនើបនេះដំណើរការដូចម្ដេច? 

១ អ្នកប្រើប្រាស់ អាចឈរនៅមុខកញ្ចក់កម្ពស់ពីរម៉ែត្រ និងទទឹង ១,៦ ម៉ែត្រក្នុងចម្ងាយ ១ ម៉ែត្រពីវា

២ ដាក់ដៃទាំងពីររបស់អ្នកទៅលើស្នាមដៃនៅស្គ្រីនដើម្បីស្កេនរូបរាងមួយជំហរ

៣ ជ្រើសរើសសំលៀកបំពាក់ដែលអ្នកពេញចិត្តដើម្បីល ដោយមើលតាមការណែនាំនៅលើស្គ្រីន

៤ ចុងបញ្ចប់ អ្នកអាចថតរូបខោអាវដែលអ្នកលរួចហើយនៅលើស្គ្រីនរបស់ Virtual Mirror ប្រសិនបើអ្នកចូលចិត្ត

សកម្មភាពថតរូបលខោអាវលេងកម្សាន្តពីទូ Virtual Mirror
ពីសំណាក់យុវវ័យនៅផ្សារ ទំនើប AEON

Virtual Mirror ត្រូវបាននាំចូល និងចែកចាយដោយក្រុមហ៊ុន WorldBridgE Commerce។ ពេលនេះវាកំពុងដាក់ឲ្យសាកល្បងប្រើប្រាស់នៅក្នុងរោងភាពយន្ត Major Cineplex ផ្សារទំនើប AEON។ ទៅថ្ងៃអនាគត ម្ចាស់ហាងសំលៀកបំពាក់ដែលចាប់អារម្មណ៍អាចជាវ ឬជួល យកទៅប្រើប្រាស់ក្នុងហាងរបស់ពួកគាត់បានដើម្បីផ្ដល់ភាពងាយស្រួល ក្នុងការលសំលៀកបំពាក់ដល់អតិថិជន៕

ប្រភព Sabay News

Friday, June 26, 2015