និស្សិត IT ទូទាំងប្រទេសនឹងអាចពង្រឹងសមត្ថភាពលើការសិក្សាជំនាញព័ត៌មានវិទ្យា IT កាន់តែខ្លាំង ដោយថ្មីៗនេះមជ្ឈមណ្ឌល Korea Software HRD បានចុះអនុសារណៈនៃការយោគយល់គ្នាជាមួយសាកលវិទ្យាល័យបៀលប្រាយ ដើម្បីផ្ដល់ការសិក្សាបន្ថែមលើប្រព័ន្ធអ៊ីនធឺណិតជាមួយគេហទំព័រ Khmer Academy។
លោក ចិន ភីរម្យ អ្នកគ្រប់គ្រងទូទៅនៃមជ្ឈមណ្ឌល Korea Software HRD បានឲ្យដឹងថា Khmer Academy ជាគេហទំព័រថ្មីមួយដែលបង្កើតឡើងកាលពីដើមឆ្នាំ ២០១៥ ដោយនិស្សិតខ្មែរពូកែៗនៅមជ្ឈមណ្ឌលបណ្ដុះបណ្ដាល Korea Software HRD ។ គេហទំព័រនេះបង្រៀនផ្តោតលើមុខវិជ្ជាទាក់ទងមុខជំនាញ IT ជាមួយការបង្រៀនជាភាសាខ្មែរផ្ទាល់តែម្ដង អមមកជាមួយវីដេអូដែលមានការពន្យល់យ៉ាងក្បោះក្បាយ។
Khmer Academy មានមុខវិជ្ជាបង្រៀនដូចជា របៀបបង្កើតកម្មវិធីលើ iOS , កម្មវិធី Android , ការបង្កើត Website និងការរចនាឌីហ្សាញ។ គេហទំព័រនេះមានបង្រៀនសរសេរកូដតាំងពីកម្រិតដំបូងដល់កម្រិត ខ្ពស់ដូច ជា Java , SQL , HTML , CSS , JavaScript , jQuery , PHP , C# ជាដើម។ ចំណែកមេរៀន Design មានដូចជា Photoshop និង illustrator រួមទាំងការបង្រៀនពីកម្មវិធីរដ្ឋបាលដូចជា Word , Excel និង PowerPoint។ ជាងនេះទៅទៀត Khmer Academy ក៏មានបង្រៀនភាសាអង់គ្លេស និងភាសាកូរ៉េផងដែរ។
លោថា Khmer Academy របៀបរៀនបែប E-Learning ដែលសិស្សនិស្សិត IT អាចសិក្សាស្វែងយល់និងរៀនដោយខ្លួនឯង ដើម្បីអាចបណ្ដុះស្មារតីសម្រាប់ការសិក្សាផ្នែក IT កាន់តែប្រសើរថែមទៀត។
មជ្ឈមណ្ឌល Korea Software HRD Center បង្កើតឡើងនៅឆ្នាំ ២០១៣ ស្ថិតនៅក្រោមគម្រោងភាពជាដៃគូរវាងទីភ្នាក់ងារសហប្រតិបត្តិការណ៍ អន្តរជាតិកូរ៉េ(KOICA) និងក្រុមហ៊ុនព័ត៌មានវិទ្យាកូរ៉េ ដែលមានឈ្មោះថា (WEBCASH)។ មជ្ឈមណ្ឌល Korea Software HRD Center បានផ្ដល់អាហារូបករណ៍និង កំពុងបណ្ដុះបណ្ដាលនិស្សិត IT បាន៣ជំនាន់ ហើយជំនាន់ទី៣ នេះកំពុងធ្វើការសិក្សាក្នុងមជ្ឈមណ្ឌល ។ ក្នុងចំណោមនិស្សិតដែលបានបញ្ចប់ការសិក្សានៅ HRD និស្សិតពូកែៗ យើងបានបញ្ជូនទៅធ្វើការនិងបណ្ដុះបណ្ដាលបន្ថែមនៅប្រទេសកូរ៉េ និងនិស្សិតមួយចំនួនទៀតបន្តការងារក្នុងប្រទេសកម្ពុជា។ មជ្ឈមណ្ឌលកំពុងចុះកិច្ចសហប្រតិបត្តិការជាមួយគ្រប់ដៃគូរ សកលវិទ្យាល័យ និងវិទ្យាស្ថាន ផ្សេងៗដែលចង់ពង្រឹងការអប់រំផ្នែក IT របស់ខ្លួន ជាមួយការសិក្សាលើប្រព័ន្ធអ៊ីនធឺណិត (Khmer Academy) យើងលើកទឹកចិត្តគ្រប់ស្ថាប័នទាំងអស់ ទាំង ក្រុមហ៊ុនឯកជន ដែលចង់ទំនាក់ទំនងសហប្រតិបត្តិការជាមួយមជ្ឈមណ្ឌលយើង។
ប្រិយមិត្តមានបំណងចង់រៀនអាចចូលទៅកាន់គេហទំព័រ KhmerAcademy ផ្ទាល់ដោយចុចត្រង់នេះ…បញ្ជាក់សម្រាប់និស្សិត ឬ ប្រិយមិត្តណាបានចូលទៅសិក្សា ហើយមានចម្ងល់ត្រង់ណាមួយអាចទាក់ទងតាម Email : khmeracademy.org@gmail.com ឬ Facebook : www.facebook.com/khmeracademy.Org ឬ www.facebook.com/ksignhrd
ប្រភព Sabay News
8:33 AM
Unknown
Posted in: 
