Keyboard សម្រាប់ប្រព័ន្ធប្រតិបត្តិការ Android ល្បីៗដែលពេញនិយមប្រើប្រាស់! ~ KAS4UAll

Keyboard សម្រាប់ប្រព័ន្ធប្រតិបត្តិការ Android ល្បីៗដែលពេញនិយមប្រើប្រាស់!

ចំពោះប្រិយមិត្តប្រហែលជាចង់បាននូវ Keyboard ណាដែលអាចវាយបានលឿនហើយថែមទាំង អាចជួយកែតម្រូវរាល់ពាក្យខុសទាំងឡាយរបស់ប្រិយមិត្តដែលជាអតិថិជនរបស់ Android មិនខាន។ នៅក្នុងប្រព័ន្ធប្រតិបត្តិការយក្សនេះសម្រាប់ App Keyboard គឺមានច្រើនជម្រើសណាស់! ប៉ុន្តែអ្វីដែលសំខាន់ប្រិយមិត្តចង់បាន App មួយណាដែលប្រាកដ៏ជាអាចតម្រូវរាល់បញ្ហាក្នុងការវាយអក្សរឪ្យប្រិយមិត្តបាន។ ថ្ងៃនេះទៀតសោត ខាងការងារយើងនឹងបង្ហាញឈ្មោះ Keyboard Apps មួយចំនួនសម្រាប់ប្រិយមិត្តដែលសុទ្ធសឹងជា Keyboard App ល្បីៗដែលគេនិយមប្រើប្រាស់បំផុត។

1.Khmer Smart Keyboard

ក្តារចុចឆ្លាតវៃគឺជាក្តាចុចដែលបាន បង្កើតឡើងដោយកូនខ្មែរមួយក្រុម ដោយមើលឃើញនូវការលំបាកក្នុងការវាយអក្សរខ្មែរទើបក្រុមគាត់បាន ធ្វើការបង្កើតវាឡើង។ វាលក្ខណៈពិសេសត្រង់ អ្នកអាចធ្វើការវាយអក្សរខ្មែរបានរហ័ស មានភាពងាយស្រួលក្នុងការស្វែងរកស្រៈ ជើង រឺព្យព្ជានៈ ផ្សេងទៀត ដោយមិនចាំបាច់ធ្វើការចុច Shift ដោយគ្រាន់តែអូសចុះក្រោមជាដើម។

2.Google Keyboard

ក្ដារចុចរបស់ក្រុមហ៊ុន Google ត្រូវបានអតិថិជន Android ភាគច្រើនគឺស្គាល់វា ពីព្រោះវាត្រូវបានដាក់ឪ្យទាញយកដោយឥតគិតថ្លៃ។ Google Keyboard រចនាឡើងដោយភាពទាក់ទាញនិងសាមញ្ញផងដែរ។ វាអាចកំណត់ពាក្យមួយចំនួនឪ្យប្រិយមិត្តស្រាប់ស្របពេលប្រិយមិត្តកំពុងវាយអក្សរ។ វាត្រូវបានប្រើច្រើនក្នុងប្រព័ន្ធ Android 4.4 ។

3.MultiLing Keyboard

គឺជា App មួយដែលមានការពេញនិយមផងដែរពីព្រោះ តែការរចនាដោយភាពល្អមួយបែបដែលមាន ក្ដារចុចគ្រប់ប្រភេទមិនថា អក្សរ រូបភាពស្នេហា សញ្ញានានា លេខរ៉ូមាំង ..... ព្រមជាមួយរូបជាច្រើនអនេកទៀត។ ក្ដារចុចនេះទៀតសោតត្រូវបានដាក់ឪ្យទាញយកដោយឥតគិតថ្លៃផងដែរក្នុង Google Play ។

4.TouchPal – Emoji Keyboard&Theme

TouchPal ត្រូវបានរចនាឡើងដោយផ្ដោតយ៉ាងខ្លាំងទៅលើផ្នែកសិល្បៈដូចជា សញ្ញា រូបEmoji អាម្មណ៍ រូបភាព ..... ។ អ្វីដែលពិសេសទៀតនោះគឺវាអាចប្រើសម្រាប់ ៨៥ ភាសានៃសកលលោកយើងនេះ។ ប្រិយមិត្តអាចវាយបានយ៉ាងរហ័សនិងវាអាចជួយកែតម្រូវឪ្យប្រិយមិត្តបានលឿនទៀតផង។

5.Swype Keyboard

Swype ជាក្ដារចុចដែលមានប្រជាប្រិយភាពមួយវាមាននាទីអូសលើអក្សរ (Glide) សម្រាប់ការសរសេរអក្សរបានដោយងាយស្រួល។ ហើយថ្មីៗនេះវាបានអភិវឌ្ឍន៍ខ្លួនជាពិសេសត្រង់ ចំណុចដកឃ្លាគឺវាអាចដកឃ្លាឪ្យប្រិយមិត្តដោយស្វ័យប្រវត្តិទៀតផង។ វាត្រូវបានគេហៅឈ្មោះមួយទៀតថា Autospace ។

ប្រភព PorPok

Wednesday, June 24, 2015