១០ យ៉ាងជាគន្លឹះដ៏ល្អក្នុង Google ដែលអ្នកមិនដឹង

ប្រិយមិត្តប្រាកដ៏ជាស្គាល់ បើនិយាយពីពាក្យ Google ពីព្រោះក្នុងសម័យបច្ចេកវិទ្យានេះនរណាក៏ស្គាល់និងធ្លាប់ប្រើប្រាស់ Google នោះដែល។ នៅថ្ងៃទី ៥ ខែឧសភា កន្លងមកនេះខាងក្រុមហ៊ុន Google បានដាក់ឳ្យនូវប្រើប្រាស់កម្មវិធីថ្មីៗនិងផ្ដល់ប្រយោជន៍ដល់អតិថិជនអ្នកប្រើគ្រប់រូបផងដែរ។ ថ្ងៃនេះខាងពពកយើងនឹងបង្ហាញគន្លឹះទាំង១០មុខនេះឪ្យប្រិយមិត្តបានដឹង។

1.ពិនិត្យកាលបរិច្ឆេទការផ្សាយទូទស្សន៍

Google អាចបង្ហាញរឿងឬព័តមានដែលត្រូវផ្សាយក្នុងកញ្ចក់ទូរទស្សន៍មួយចំនួន។ វាអាចកំណត់លើទូរទស្សន៍ឬបុស្តីល្បីៗមួយចំនួនក្នុងពិភពលោក។ វាអាចកំណត់ថ្ងៃខែ ឆ្មាំឪ្យប្រិយមិត្តដឹងយ៉ាងច្បាស់។

2.Holiday

តួនាទី២គឺ Google អាចបង្ហាញឪ្យប្រិយមិត្តដឹងអំពីថ្ងៃសម្រាក់លំហែកាយតាមប្រតិទិនប្រទេសធំៗ។ មិនថាជាថ្ងៃបុណ្យ ឬ ថ្ងៃអ្វីនោះទេគឺ Google អាចបង្ហើបប្រាប់ប្រិយមិត្តបានទាំងអស់។ ហើយចំពោះប្រិយមិត្តវិញក៏អាចកំណត់យកថ្ងៃសម្រាក់សម្រាប់ខ្លួនឯងទៀតផង ដោយគ្រាន់ចុចដាក់កំណត់វាដល់ថ្ងៃនោះវានឹងបង្ហាញប្រិយមិត្តមិនខាន។

3.ការប្រកួតកីឡាធំៗក្នុងពិភពលោក

ប្រិយមិត្តអាចស្វែងរកលិទ្ធផលចុងក្រោយៗនៃការប្រកួតកីឡាជាច្រើនក្នុងពិភពលោកតាមរយៈ Google យ៉ាងងាយ។ គ្រាន់តែវាយឈ្មោះក្រុមដែលត្រូវប្រកួត(ដូចរូបឧទាហរណ៍ខាងលើ)នោះ Google នឹងបង្ហាញដល់ប្រិយមិត្ត។

4.ការប្រៀបធៀបអាហាររូបត្ថម្ភ

ព័តមានរបស់ Google ឥឡូវនេះអាចប្រៀបធៀបរាល់អាហារូបត្ថម្ភមួយចំនួនជាពិសេស ប្រភេទអាហារូបត្ថម្ភដែលមាននៅតំបន់អឺរ៉ុប។ ដើម្បីបានព័តមានក្នុងការប្រៀបធៀបនេះប្រិយមិត្តគ្រាន់តែ វាយពាក្យអាហារូបត្ថម្ភដែលប្រិយមិត្តចូលចិត្តភ្ជាប់ជាមួយពាក្យ VS ទល់នឹងពាក្យអាហារូប្ថម្ភមួយទៀត។

5.បម្លែងឯកតានានា

Google អាចមានសមត្ថភាពបម្លែងយ៉ាងឆាប់រហ័សមិនថាចំនួនណាក៏ដោយ សម្រាប់ប្រវែង , ល្បឿន , បរិមាណនិងផ្សេងៗជាច្រើនទៀត។ ដើម្បីចូលទៅកម្មវិធីបម្លែងរ​បស់ Google ដំបូងប្រិយមិត្តចូលទៅ Google Search ហើយវាយពាក្យ Conversion Calculator ជាការស្រេច។

6.សង់ក្រាប (Graph)

ឥលូវនេះមិនមែនជាពេលស្មុគ្រស្មាញក្នុងការ សង់ក្រាបទៀតនោះទេ។ ប្រិយមិត្តគ្រាន់ចូលទៅ Google Search ហើយវាយពាក្យ Graph ភ្ជាប់គោលដៅឬចំណុចដែលប្រិយមិត្តចង់បានដូចរូបឧទាហរណ៍ខាងលើនេះគឺ Google នឹងបង្ហាញដល់ប្រិយមិត្តយ៉ាងស្រួល។

7.ពិនិត្យម៉ោងគ្រប់តំបន់ក្នុងពិភពលោក

ប្រិយមិត្តអាចពិនិត្យម៉ោងគ្រប់តំបន់ក្នុងពិភពលោក តាមចំណង់ចិត្តសម្រាប់ប្រៀបធៀបជាមួយម៉ោងក្នុងប្រទេសយើងយ៉ាងស្រួល។ ងាយស្រួលបំផុតគ្រាន់ប្រិយមិត្តវាយពាក្យ​ Time in ភ្ជាប់ឈ្មោះតំបន់ជាការស្រេច។

8.ពិនិត្យជើងហោះហើរក្នុងពិភពលោក

ពេលនេះប្រិយមិត្តអាចពិនិត្យមើលរាល់ ជើងហោះហើរជាប្រចាំថ្ងៃគ្រប់តំបន់់ក្នុងពិភពលោកជាមួយក្រុមហ៊ុនហោះហើររាប់រយ ព្រមទាំងតម្លៃនិងរយៈពេលធ្វើដំណើរទៀតផង។ មិនថាប្រិយមិត្តស្ថិតនៅប្រទេសណាក៏ដោយ Google អាចជួយប្រិយមិត្តជានិច្ច។

9.កម្មវិធីកំណត់ពេលវេលា

ប្រិយមិត្តអាចកំណត់ពេលវេលាក្នុងការធ្វើអ្វីមួយបានយ៉ាងស្រួល ដោយគ្រាន់ចូលទៅ Google Search វាយពាក្យ​ Timer ជាការស្រេច។ ប្រិយមិត្តក៏អាចកំណត់នាទីតាមចំណង់ចំណូលចិត្តផងដែរ​។​

10.ធ្វើដំណើរជាមួយ Google ទៅកាន់ពិភពលោក

ប្រិយមិត្តអាចមើលឬពិនិត្យរាល់ទីកន្លែងនានា ក្នុងពិភពលោកជាមួយរូបភាពយ៉ាងច្បាស់ព្រមជាមួយទីតាំងដែលមាននៅជិតកន្លែងនោះទៀតផងដូចជា : សណ្ឋាគារ , ភូជនីដ្ឋាន , កន្លែងហាត់ប្រាណ ..... ។ ដើម្បីចូលទៅកម្មវិធីនេះប្រិយមិត្តត្រូវវាយពាក្យ Things to see ភ្ជាប់ឈ្មោះទីកន្លែងនោះជាការស្រេចទៅក្នុង Google Search ។​

ប្រភព PorPok

• Tweet
• Share
• Share
• Share
• Share