ក្នុង នាមជានាយកប្រតិបត្តិ (CEO) ដែលមានការងារគ្រប់គ្រងនិងដឹកនាំក្រុមហ៊ុនបច្ចេកវិទ្យាធំមួយ ប្រាកដជាមានទ្រព្យសម្បត្តិរាប់លានដុល្លារហើយ។ ប៉ុន្តែមុនពេលទទួលបានជោគជ័យដូចសព្វថ្ងៃនេះ នាយកប្រតិបត្តិគ្រប់រូបគឺមិនមានប្រវត្តិការងារដូចគ្នានោះទេ។ បើនិយាយពីការងារដំបូងវិញមាននាយកប្រតិបត្តិខ្លះធ្លាប់ធ្វើជា អ្នកលាងចានក្នុងភោជនីយដ្ឋានថែមទៀតផង។ ចង់ដឹងថានាយកប្រតិបត្តិណាដែលមានការងារស្រដៀងគ្នាខ្លះ សូមតាមដានខាងក្រោម៖
១. MICHAEL DELL នាយកប្រតិបត្តិក្រុមហ៊ុន Dell ធ្លាប់ជាអ្នកលាងចានក្នុងភោជនីយដ្ឋាន
ក្នុងវ័យបាន១២ឆ្នាំ លោកទទួលបានការងារដំបូងក្នុងជីវិតជាអ្នកលាងចានម្នាក់នៅ ក្នុងភោជនីយដ្ឋានចិនមួយ។ ធ្វើការមិនបានប៉ុន្មានផង Michael ក៏ត្រូវប្ដូរធ្វើជាអ្នកបម្រើភ្ញៀវវិញម្ដង។ តែក្រោយមក លោកក៏បានប្ដូរចិត្តទៅធ្វើការនៅភោជនីយដ្ឋានមិចសិកូក្បែរនោះ វិញ។
២. MARISSA MAYER នាយិកាប្រតិបត្តិក្រុមហ៊ុន YAHOO ជាអ្នកលក់គ្រឿងទេសក្នុងហាង
មុនក្លាយជាអ្នកដឹកនាំនៅក្រុមហ៊ុន Yahoo អ្នកស្រី Marissa Mayer បានធ្វើការជាអ្នកលក់គ្រឿងទេសម្នាក់នៅក្នុងហាងមួយ ជាកន្លែងដែលគាត់បានសិក្សារៀនសូត្រនូវការងារសំខាន់ៗបានយ៉ាងលឿន។ ទេពកោសល្យពិសេសរបស់គាត់នៅពេលនោះគឺអាចចាំមុខទំនិញបាន៤០ មុខក្នុងរយៈពេល១នាទី។
៣. DOUG MCMILLON នាយកប្រតិបត្តិក្រុមហ៊ុន WALMART ជាអ្នកធ្វើការក្នុងឃ្លាំង
Doug McMillon គឺជានាយកប្រតិបត្តិម្នាក់ដែលដាក់ចិត្តធ្វើការជាមួយ នឹងក្រុមហ៊ុនដដែលស្ទើរតែពេញមួយអាជីពរបស់គាត់។ ប្រធាន និងជានាយកប្រតិបត្តិរបស់ក្រុមហ៊ុន Walmart រូបនេះមានការងារដំបូងគឺជាអ្នកធ្វើការនៅក្នុងឃ្លាំងផ្ទុក អីវ៉ាន់របស់ក្រុមហ៊ុន Arkansas។
៤. REED HASTINGS នាយកប្រតិបត្តិក្រុមហ៊ុន NETFLIX ការងារជាអ្នកដើរលក់ឥវ៉ាន់តាមផ្ទះ
បន្ទាប់ពីបញ្ចប់ថ្នាក់វិទ្យាល័យ លោក Reed Hastings បានធ្វើការជាអ្នកដើរលក់ម៉ាស៊ីនបឺតធូលីនៅតាមផ្ទះ។ ពេលនោះដែរ លោកត្រូវបានទទួលឲ្យចូលរៀននៅក្នុងមហាវិទ្យាល័យ Bowdoin College ក្នុងរដ្ឋ Maine សហរដ្ឋអាមេរិក។ ប៉ុន្តែគាត់បានពន្យារពេលការចុះឈ្មោះចូលរៀនរយៈពេលមួយឆ្នាំ ដើម្បីបន្តការងារដើរលក់ម៉ាស៊ីនបឺតធូលីរបស់គាត់ ដោយគាត់បាននិយាយថា៖ “ខ្ញុំស្រលាញ់មុខរបរនេះ ដោយសារខ្ញុំបានជួបមនុស្សថ្មីៗជាច្រើន”។
៥. JEFF BEZOS នាយកប្រតិបត្តិក្រុមហ៊ុន AMAZON ការងារជាអ្នកដឹកនាំការបោះជំរំ
ជាសហគ្រិនផង និងជានាយកប្រតិបត្តិរបស់ក្រុមហ៊ុន Amazon ផង លោក Jeff Bezos បានផ្ដើមការងារដំបូងរបស់លោកជាអ្នកគ្រប់គ្រងជំរំមួយ។ កាលពីរៀននៅវិទ្យាល័យ លោក និងអតីតមិត្តស្រី Ursula Werner បានបោះជំរំមួយឈ្មោះថា Dream Institute ដើម្បីបង្រៀនដល់ក្មេងថ្នាក់ទី៤ , ៥ , និងទី ៦៕
ប្រភព Sabay News
12:53 AM
Unknown
Posted in: 
Post a Comment
0 comments
Dear readers, after reading the Content please ask for advice and to provide constructive feedback Please Write Relevant Comment with Polite Language.Your comments inspired me to continue blogging. Your opinion much more valuable to me. Thank you.