Browser ថ្មីដ៏ទំនើប ទាន់សម័យនឹងចូលខ្លួនមកជំនួស Internet Explorer នៅក្នុង Windows ~ KAS4UAll

Browser ថ្មីដ៏ទំនើប ទាន់សម័យនឹងចូលខ្លួនមកជំនួស Internet Explorer នៅក្នុង Windows

10Internet Explorer ដែលជាកម្មវិធីសម្រាប់ប្រើប្រាស់អីុនធឺណិតមួយ របស់ក្រុមហ៊ុន Microsoft បានបាត់បង់ប្រជាប្រិយភាពរបស់ខ្លួនក្នុងរយៈពេលប៉ុន្មានឆ្នាំ ចុងក្រោយនេះ ដោយសារមានគូប្រជែងខ្លាំងៗ ក្នុងនោះមានដូចជា Google Chrome ជាដើម។ នេះបើតាមការធ្វើស្ថិតិដោយ Dadaviz។

កម្មវិធី ជំនាន់ចាស់របស់ Internet Explorer មានបញ្ហាជាច្រើន ហើយចំណែកការចេញកម្មវិធីជំនាន់ថ្មីវិញ ក៏មិនសូវមានអ្នកប្រើប្រាស់ច្រើនដែរ ដែលនេះជាមូលហេតុមួយ បណ្ដាលឲ្យ Microsoft សម្រេចចិត្តបង្កើតកម្មវិធីថ្មី គឺនៅពេល Windows 10 ដាក់ចេញឲ្យប្រើប្រាស់នៅពេលខាងមុខនេះ អ្នកប្រើប្រាស់នឹងទទួលបានកម្មវិធីបើកអីុនធឺណិតថ្មីមួយ ដែលមានកូដឈ្មោះថា Project Spartan។

គួរបញ្ជាក់ផងដែរថា កាលពីថ្ងៃច័ន្ទនេះ Microsoft បានបញ្ចេញកម្មវិធីបើកអីុនធឺណិត Spartan នេះ ជូនអ្នកប្រើប្រាស់ ដើម្បីធ្វើតេស្តជាសាធារណ ហើយការធ្វើបែបនេះ Microsoft ប្រហែលជាមានគោលបំណង ធ្វើឲ្យកម្មវិធីនេះមានប្រសិទ្ធភាព ហើយជាពិសេសគឺដើម្បីធ្វើឲ្យ Windows 10 មានឥទ្ធិពលកាន់តែខ្លាំង។

Monday, June 22, 2015