ជនជាតិបរទេសម្នាក់ដេកស្លាប់ក្នុងផ្ទះសំណាក់ SUOMI BAR សង្ស័យថាជាករណីឃាតកម្ម ~ KAS4UAll

ជនជាតិបរទេសម្នាក់ដេកស្លាប់ក្នុងផ្ទះសំណាក់ SUOMI BAR សង្ស័យថាជាករណីឃាតកម្ម

រាជធានីភ្នំពេញ៖ សមត្ថកិច្ចខណ្ឌដូនពេញ បានឲ្យដឹងថា នៅម៉ោង៩ព្រឹក ថ្ងៃទី០៧ ខែមិថុនា ឆ្នាំ២០១៥នេះ ថា មានការភ្ញាក់ផ្អើលមួយបានកើតឡើងនៅផ្ទះលេខ១៤២ ផ្លូវលេខវ១៧២ ក្នុងសង្កាត់ជ័យជំនះ ខណ្ឌដូនពេញ បន្ទាប់ពីមានក្លិនស្អុយចេញពីទីនោះ ព្រោះតែមានមនុស្សស្លាប់ ប៉ុន្តែការស្លាប់នោះហាក់មានអាថ៌កំបាំង បន្ទាប់ពីមានការសោចាក់ពីខាងក្រៅបន្ទប់ ដែលជនរងគ្រោះស្នាក់នៅ។

សមត្ថកិច្ច ដដែលបានបន្តថា បន្ទាប់ពីអាជ្ញាធរមូលដ្ឋាននិងសមត្ថកិច្ចពាក់ព័ន្ធ បានចុះទៅពិនិត្យមើលនៅកន្លែងកើតហេតុ គេសង្កេតឃើញថា របងផ្ទះនោះមានចាក់សោពីខាងក្រៅ។

ហើយក្រោយ ពីគណៈកម្មការចម្រុះចុះពិនិត្យនិងកាត់សោហើយនោះ អាជ្ញាធរបានបញ្ជាក់ថា មានជនជាតិបរទេសម្នាក់ បានដេកស្លាប់នៅក្នុងនោះ ដោយមានឈ្មោះ Jokinem Timo Hannu Ilmari ភេទប្រុស អាយុ៤៩ឆ្នាំ ជនជាតិ Finland កាន់ Passportលេខ PV0907008។

បើ តាមប្រភពខាងលើបានបញ្ជាក់ថា ជនរងគ្រោះបានជួលផ្ទះពីឈ្មោះ គីម ហួយ KIM HOUYភេទស្រី អាយុ៣៧ឆ្នាំ ស្នាក់នៅផ្ទះលេខ៧៣Eoផ្លូវ១៧២ ភូមិ៦ សង្កាត់ជ័យជំនះ ខណ្ឌដូនពេញ មួយរយៈ បន្ទាប់មកក៍ភ្ញាក់ផ្អើលដេកស្លាប់តែម្ដងទៅ។

ប៉ូលិស មូលដ្ឋាននិយាយថា ករណីនេះសមត្ថកិច្ចកំពុងធ្វើកោសល្យវិច័យ ប៉ុន្តែបើតាមការសន្និដ្ឋានជំហានដំបូង សង្ស័យអាចជាអំពើឃាតកម្ម ពីព្រោះផ្ទះជនរងគ្រោះស្នាក់នៅមានចាក់សោពីខាងក្រៅ៕

ប្រភព Kqube

Sunday, June 7, 2015