ស៊ីហ្គេម៖ U-23 កម្ពុជាចាញ់ម្ចាស់ផ្ទះសឹង្ហបុរ ~ KAS4UAll

ស៊ីហ្គេម៖ U-23 កម្ពុជាចាញ់ម្ចាស់ផ្ទះសឹង្ហបុរ

ក្រុមកីឡា បាល់ទាត់ជម្រើសអាយុក្រោម២៣ឆ្នាំកម្ពុជា (U-23) បានប្រកួតចាញ់ម្ចាស់ផ្ទះសឹង្ហបុរី ៣-១ នៅកីឡដ្ឋាន Jalan Besar សម្រាប់ការប្រកួតលើកទីបីពូល A នៃព្រឹត្តិការណ៍កីឡាស៊ីហ្គេមលើកទី២៨ ។

សឹង្ហបុរីនាំមុខ ២-០ នៅនាទីចុងក្រោយនៅចុងតង់ទីមួយ តាមរយៈការតែតបាល់បញ្ចូលទីរបស់ Sulaiman Safirul និង Ramli Faris។ ចាន់ វឌ្ឍនាកា បានចូលលេងជំនួស សុក ច័ន្ទរស្មី នៅនាទី៥០ ហើយ៧នាទីក្រោយមក គេបានតែតបាល់វាយបកតាមពីក្រោយមួយគ្រាប់សម្រាប់កម្ពុជា ក្រោយការបញ្ជូនរបស់ ឈិន ឈឿន។ ប៉ុន្តែចុងតង់ទី២ Suhaimi Sahil បន្ថែមបានមួយគ្រាប់ទៀតសម្រាប់ម្ចាស់ផ្ទះ។

ការប្រកួតក្រោមការកាត់ក្តីរបស់អាជ្ញាកណ្តាលជនជាតិចិន Ma Ning មានការប៉ះទង្គិចយ៉ាងច្រើន ដោយភាគច្រើនក្រុមកីឡាករកម្ពុជាទទួលរងគ្រោះ។

ជម្រើស១១នាក់ដំបូង៖ អ៊ុំ សេរីរ័ត្ន (អ្នកចាំទី) សុខ សុវណ្ណ, នេន សុធារ័ត្ន, សឿយ វិសាល, សំអឿន ពិដោរ, ប្រាក់ មុន្នីឧត្តម (ប្រធានក្រុម) (កែវ សុខផេង៧៨') សុះ ស៊ូហាណា, អុល រ៉ាវី (ហួយ ផល្លីន ៥៥'), សុក ច័ន្ទរស្មី (ចាន់ វឌ្ឍនាកា ៥០'), ឈិន ឈឿន, ផាន់នី អ៊ីរដ្ឋា។

កីឡាករបម្រុង៖ ភួង សុខសាណា, ទិត្យ ឌីណា, ង៉យ ស្រ៊ីន, ប៉េង ប៊ុនឆាយ, ទូច បញ្ចរ៉ុង, ណុប តុលា (របួស)។

ប្រភព ThmeyThmey

Monday, June 8, 2015