ជាមួយនឹងការប្រកាសដាក់ឲ្យប្រើប្រាស់ជាផ្លូវការនូវប្រព័ន្ធ ប្រតិបត្តិការជំនាន់ចុងក្រោយរបស់ក្រុមហ៊ុន Apple គឺ iOS 9 ពិតជាធ្វើឲ្យប្រិយមិត្តរបស់ខ្លួនមានការសប្បាយចិត្តដោយមុខងារ OS ថ្មីនេះបានដាក់បញ្ចូលមុខងារនិងកម្មវិធីថ្មីៗច្រើន។ ប៉ុន្តែចំពោះមុខងារថ្មីនិងកម្មវិធីថ្មីៗមួយចំនួនក្នុងចំណោម នោះគឺមាននៅលើប្រព័ន្ធប្រតិបត្តិការ Android ជាយូរណាស់មកហើយ។
Split Screen និង Multi-tasking
iOS 9 បានបន្ថែមមុខងារថ្មីលើ iPad Air 2 គឺ Split Screen & Multi-tasking ដែលអាចឲ្យអ្នកប្រើប្រាស់អាចដំណើរការកម្មវិធីពីរក្នុងពេលតែ មួយ និងលើផ្ទៃអេក្រង់តែមួយបាន។ ប៉ុន្តែមុខងារនេះគឺមាននៅលើឧបករណ៍ Android ប៉ុន្មានឆ្នាំកន្លងទៅហើយ ដូចជាលើ Galaxy S6, Galaxy Note 3, LG G3, និង LG G4។ លើសពីនេះទៅទៀតនោះ ចំពោះ Tablet របស់ Samsung មួយចំនួនអាចបើកបានដល់ទៅបួនកម្មវិធីឯណោះក្នុងពេលតែមួយ។
Picture-in-Picture
សម្រាប់ប្រព័ន្ធប្រតិបត្តិការថ្មីនេះដែរក៏បានបន្ថែមមុខងារ ថ្មីមួយទៀតគឺ Picture-in-Picture ដែលអាចឲ្យអ្នកប្រើប្រាស់មើលនិងពង្រីកពង្រួមកម្មវិធីវីដេអូ ពេលកំពុងដំណើរការកម្មវិធីផ្សេងទៀតបាន។ ប៉ុន្តែសម្រាប់មុខងារនេះដែរក៏មាននៅលើ Android តាំងពីម៉ូដែល Galaxy S3 មកម៉្លេះដែលមានឈ្មោះថា Pop-Up Play ហើយរហូតមកដល់ពេលនេះវាជាមុខងារធម្មតាមួយទៅហើយសម្រាប់អ្នក ប្រើ Android។
Spotlight
Notifications និងមុខងារ Spotlight លើ iOS 9 គឺមានភាពឆ្លាតវៃនិងងាយស្រួលប្រើប្រាស់។ Spotlight នឹងបង្ហាញអ្នកប្រើប្រាស់នូវ Recent Contact, Apps, ទីកន្លែងដែលអ្នកចូលចិត្តទៅ, បទចម្រៀងដែលចូលចិត្តស្ដាប់មុនពេលដែលចង់ស្វែងរកវា។ ដូច្នេះមុខងារហ្នឹងជាមុខងារថ្មីសម្រាប់ប្រិយមិត្ត iOS។ ប៉ុន្តែមុខងារស្រដៀងគ្នានេះ( Google Now ) គឺមាននៅលើ Android ជាងពីរឆ្នាំរួចទៅហើយ។ មិនត្រឹមតែមុខងារស្រាប់លើ Android នោះទេ ក៏មានកម្មវិធីបន្ថែមដូចជា Textra ជាដើម។
Low-power Mode
ចំពោះមុខងារដូចគ្នានេះ(Low-power Mode) អ្នកប្រើប្រាស់ Android បានប្រើ៣ទៅ៤ឆ្នាំមុនម្ល៉េះ។ ថ្មីៗនេះវាបានក្លាយជា Default Feature នៅលើ Android 5.0 Lollipop ដែលមានឈ្មោះថា low-power mode ឬ battery saver mode។ មុខងារនេះអាចជួយបន្ថែមថាមពលប្រើប្រាស់បានពី ១០ ទៅ ២០% លើការដំណើរការកម្មវិធីខល ឬ ផ្ញើសារជាដើម។ នៅលើ iOS9 គឺបន្ថែមថាមពលថ្មបានពី ៣ ទៅ ៤ ម៉ោងបន្ថែមបន្ទាប់ពីអស់ថ្ម។
Siri (Reminders, Search, Proactive Assistant)
Siri នៅលើ iOS 9 គឺត្រូវបានរចនាឡើងដោយឆ្លាតនិងមានល្បឿនលឿន ដែល Apple បាននិយាយថា វាមានល្បឿនលឿនជាង iOS8 ដល់ទៅ ៤០% ។ អ្នកប្រើប្រាស់អាចប្រើប្រាប់វាពីអ្វីមួយឲ្យចាំ (Remember) និងរក្សារវាទុកនៅក្នុងកម្មវិធី calendar app, set alarm ភ្លាម។ បន្ទាប់មកមុខងារ Proactive ពិនិត្យ calendar នឹងរំលឹកអ្នកប្រើប្រាស់ភ្លាមៗដែរ ហើយវាក៏អាចប្រើសម្រាប់មើលឬស្វែងរករូបភាពអនឡាញដូចជាការប្រើ ពាក្យ “Ok Google, show me photos of the the Green Bay Packers” ជាដើម។ ប៉ុន្តែមុខងារនេះមាននៅលើ Android ជាច្រើនឆ្នាំរួចទៅហើយដូចជា Google Search ជាពិសេសនោះគឺ Google Now។ មិនត្រឹមតែប៉ុណ្ណោះ វាអាចបញ្ជារបានច្រើនជាងនេះថែមទៀតផង។
News App
កម្មវិធីលើ iOS 9 មានឈ្មោះថា News ជាកម្មវិធីនាំមកនូវប្រភពព័ត៌មានគ្រប់ផ្នែកតាមចំណង់ចំណូលចិត្ត អ្នកប្រើប្រាស់។ ស្រដៀងទៅនឹងកម្មវិធីរបស់ Android ដែរគឺ Flipboard ដែលមាននៅលើគ្រប់ Smartphone ឬ Tablet របស់ Samsung ឬ Blinkfeed លើ HTC។
Keyboard Shortcuts
Quicktype keyboard លើ iOS ប្រហែលជាងាយស្រួលប្រើ និងមានមុខងារច្រើនជាងជំនាន់មុនដោយមានទាំង shortcut bar ជាមួយនឹង tool ដែលអាចប្រើសម្រាប់ដាក់បន្ថែមរូបភាព ឬ File , សារ, អ៊ីមែល និងទិន្នន័យផ្សេងទៀតពី keyboard។ តែការថតរូប ឬបន្ថែមពី Galary បញ្ចូល File ឬឯកសារនៅលើ Android គឺមានតាំងពីយូរណាស់មកហើយមិនថា Keyboard របស់ Android ផ្ទាល់ ឬ កម្មវិធី Keyboard បន្ថែមនោះទេ។
Notes App
កម្មវិធីថ្មីលើ iOS 9 គឺ Apple Notes អាចឲ្យអ្នកប្រើប្រាស់ Notes, Note ដោយសំឡេងដោយប្រើ Siri , បញ្ចូលរូបភាព ឬការងារផ្សេងទៀត។ ជាពិសេសនោះគឺដំណើរកាមេរ៉ាលើ Notes app ផ្ទាល់។ ប៉ុន្តែកម្មវិធីបន្ថែមស្រដៀងគ្នានេះមានយូរទៅហើយទាំងលើ Android និង iOS ហើយក៏មានកម្មវិធី Android ផ្ទាល់របស់ Google ផងដែរ។
Apple Maps
Apple Maps ថ្មីលើ iOS 9 បានកែប្រែងាយស្រួលប្រើមានមុខងារច្រើនជាងមុន ដោយត្រូវបានដាក់បញ្ចូលមុខងារជាច្រើនដែលកម្មវិធីផ្សេងទៀតប្រើ ដូចជាមុខងារលើ HERE maps របស់ Nokia, Google Maps និងជាច្រើនទៀត។ ជាមួយនឹង iOS 9 Apple Maps អាចឲ្យអ្នកប្រើប្រាស់ ទទួលបានទីតាំងដូចជាចំណតឡានក្រុង និងរថភ្លើងក្រោមដីជាដើម ហើយវាអាចស្វែងរកភោជនីយដ្ឋាន ហាង កន្លែងកម្សាន្តជិតៗ ព្រមទាំងកន្លែងផ្សេងទៀតដែលអាចប្រើ Apple Pay បាន។ ដូច្នេះកម្មវិធី និងមុខងារនេះគឺស្រដៀងទៅនឹងកម្មវិធី Google Maps របស់ Android ដែលបានប្រើជាយូរនោះហើយដែរ៕
ប្រភព Sabay News
7:22 AM
Unknown
Posted in: 
Post a Comment
0 comments
Dear readers, after reading the Content please ask for advice and to provide constructive feedback Please Write Relevant Comment with Polite Language.Your comments inspired me to continue blogging. Your opinion much more valuable to me. Thank you.