ការតេស្ដយានអវកាសសម្រាប់បញ្ជូនមនុស្សទៅភពអង្គារបានបរាជ័យ ~ KAS4UAll

ការតេស្ដយានអវកាសសម្រាប់បញ្ជូនមនុស្សទៅភពអង្គារបានបរាជ័យ

យានអវកាស មានល្បឿនលឿនរបស់ NASA ដែលគ្រោងនឹងបញ្ជូនមនុស្សទៅកាន់ភពព្រះអង្គារក្នុងឆ្នាំ ២០៣៥ ធ្វើតេស្ដកាលពីថ្ងៃច័ន្ទបានបញ្ចប់ តែពុំបានជោគជ័យទាំងស្រុងនោះទេ។

2723CCD200000578-3017944-In_June_the_vehicle_will_be_sent_into_near_space_from_the_Navy_s-a-21_1427719788296

2723CCD200000578-3017944-In_June_the_vehicle_will_be_sent_into_near_space_from_the_Navy_s-a-21_1427719788296

យានអវកាសរបស់ NASA មានឈ្មោះថា Low Density Supersonic Decelerator (LDSD) ត្រូវបានគេស្គាល់ថា ជា Flying Saucer។ ការធ្វើតេស្ដនោះដែរគឺបានធ្វើឡើងដោយបង្ហោះចូលទៅកាន់ លំហអាកាសលើមហាសមុទ្រប៉ាស៊ីហ្វិក។ ក្នុងអំឡុងពេលបង្ហោះឡើងនោះគឺបានប្រើបាឡុងហោះយក្សដើម្បី បង្ហោះនាំយក LDSD ទៅដល់កំពស់ ៣៦៦០០ ម៉ែត្រ ខ្ពស់ជាងកំពស់យន្តហោះ ហោះដឹកអ្នកដំណើរធម្មតាដល់ទៅបីដង ហើយបន្ទាប់មក Flying Saucer គឺត្រូវបានលែងនៅម៉ោង ៥ៈ៣៥ pm EDT។

ក្រោយមកទៀត គ្រាប់រ៉ុកកែតបានដំណើរការ និងរុញវាក្នុងល្បឿនលឿនជាងល្បឿនសំឡេងបួនដងនៅរយៈកំពស់ ៥៤៨៦០ ម៉ែត្រ។ ប៉ុន្តែភ្លាមនោះឆ័ត្រយោងសម្រាប់ចុះចតបានរហែក មិនអាចរលាស់បាន ដូច្នេះគឺធ្វើឲ្យការចុះចតយានអវកាសមិនបានជោគជ័យ ហើយក៏បានធ្លាក់ចុះចូលទៅក្នុងមហាសមុទ្រប៉ាស៊ីភិចដែលនៅជិតកោះ ហាវ៉ៃ។

ភ្នាក់ងាររបស់ NASA នឹងធ្វើការសិក្សារបន្ថែមពីមូលហេតុនិងធ្វើការផ្លាស់ប្ដូរ ដើម្បីបង្កើតឆ័ត្រយោងថ្មី ដើម្បីធ្វើឲ្យការចុះចតនោះទទួលបានជោគជ័យ១០០%។

កាលពីឆ្នាំមុន ការធ្វើតេស្ដក៏ធ្លាប់ជួបហេតុការណ៍ដូចខាងលើនេះដែរ។ តែគោលដៅសំខាន់ក្នុងឆ្នាំនេះគឺជាការធ្វើតេស្ដឆ័ត្រយោងដែល បានរចនាថ្មី។ ការធ្វើតេស្ដបង្ហោះកាលពីថ្ងៃច័ន្ទគឺជាការធ្វើ តេស្ដលើកទីពីរក្នុងចំណោមបីលើកសម្រាប់គម្រោងរបស់ NASA។
297487FD00000578-3115787-image-a-18_1433787792909