បច្ចេកវិទ្យាអស្ចារ្យចំនួន៤ បំពាក់ក្នុង BMW ស៊េរី២០១៦ ~ KAS4UAll

បច្ចេកវិទ្យាអស្ចារ្យចំនួន៤ បំពាក់ក្នុង BMW ស៊េរី២០១៦

BMW 7 Series ឆ្នាំ២០១៦ត្រូវបានប្រកាសជាសាធារណៈហើយកាលពីថ្មីៗនេះ ដោយមានការរចនារូបរាងយ៉ាងស្រស់ស្អាត ទាំងផ្នែកខាងក្រៅនិងផ្នែកខាងក្នុង។ ជាមួយគ្នានេះដែរ រថយន្តនេះក៏មានបំពាក់នូវបច្ចេកវិទ្យាចុងក្រោយបំផុតចំនួន ៤ ដែលគេមិនធ្លាប់ជួបប្រទះនៅលើម៉ូដែលមុនៗរបស់BMW ។

ខាងក្រោមនេះជាបច្ចេកវិទ្យាពិសេសចំនួន៤ដែលមានលើ BMW 7 Series ឆ្នាំ២០១៦៖

១. ចតដោយប្រើតេឡេបញ្ជា
Remote

នេះជាបច្ចេកវិទ្យាដំបូងគេលើពិភពលោក ដែលអាចបញ្ជារថយន្តចូលចតបានដោយគ្រាន់តែប្រើប្រាស់តេឡេបញ្ជាឲ្យ ទៅមុខឬថយក្រោយ។ ដូចនេះវាកាន់តែមានភាពស្រួលសម្រាប់ការចូលចតក្នុងកន្លែងតូច ចង្អៀត។

២. Vitality Programme

ជាបច្ចេកវិទ្យាមួយដែលអាចបំបាត់នូវភាពនឿយហត់កើតមានចំពោះ ការធ្វើដំណើរផ្លូវឆ្ងាយ ដោយបច្ចេកវិទ្យានេះមានមុខងារពិសេសមួយសម្រាប់ធ្វើការម៉ាស្សាដល់ អ្នកដំណើរ។

៣. iDrive 5.0

iDrive ជំនាន់ថ្មីនេះមានមុខងារមួយដែលបញ្ជាដោយកាយវិការ។ គ្រាន់តែគ្រវីដៃ អ្នកបើកបរអាចធ្វើការបន្ថែម ឬបន្ថយសំឡេងចម្រៀង ឬវិទ្យុ និងអាចបញ្ជាអ្វីៗជាច្រើនផ្សេងទៀត។ លើសពីនេះ វាមានមុខងារដែលអាចសាកថ្មទូរសព្ទដោយមិនប្រើខ្សែ ភ្ជាប់ប្រព័ន្ធទូរសព្ទ និងមានបំពាក់នូវប្រព័ន្ធ Wi-Fi ថែមទៀតផង។

៤. តួរថយន្តធ្វើពីកាបូនលាយ
Carbon Core

តួគ្រោងរថយន្ត ដែលធ្វើពីកាបូន លាយជាមួយនឹងប្លាស្ទិករឹង ដែកថែប និងជាតិអាលុយមីញ៉ូមផងនោះ កាន់តែធ្វើឲ្យរថយន្តនេះមានភាពរឹងមាំបន្ថែមទៀត។
រថយន្ត BMWជំនាន់ចុងក្រោយនេះនឹងដាក់បង្ហាញនៅក្នុងកម្មវិធីតាំងបង្ហាញរថយន្តមួយនាខែកញ្ញាឆ្នាំ២០១៥នេះហើយ។

ប្រភព Sabay News

Thursday, June 11, 2015