និស្សិត IU ផ្ទុះការតវ៉ាទាមទារសញ្ញាបត្រ តែប្រភពថា កំហុសមកពីក្រសួងសុខាភិបាល ~ KAS4UAll

និស្សិត IU ផ្ទុះការតវ៉ាទាមទារសញ្ញាបត្រ តែប្រភពថា កំហុសមកពីក្រសួងសុខាភិបាល

ប្រភពរូបថត៖ ពីគេហទំព័រដើមអំពិល

ភ្នំពេញ៖ និស្សិតប្រមាណជា២០០នាក់បានផ្ទុះការតវ៉ាកាលពីព្រឹកមិញនៅពីមុខសាកល វិទ្យាអន្តរជាតិ(IU)ដែលមានទីតាំងនៅខាងលិចឈាងខាងត្បូងទីក្រុងភ្នំពេញ ដោយពួកគេទាមទារអោយសាកវិទ្យាល័យមួយនេះចេញសញ្ញាបត្រអោយពួកគេ អោយបានជាបន្ទាន់ ពីព្រោះ ពួកគេត្រូវការសញ្ញាបត្រដើម្បីប្រឡងចូលក្របខណ្ឌរដ្ឋនៅខែក្រោយនេះ។

បើយោងតាមអ្នកតវ៉ា ពួកគេបានបញ្ចប់ការសិក្សាម្នាក់ៗពី១ឆ្នាំទៅ២ឆ្នាំហើយ តែពួកគេមិនទាន់ទទួលសញ្ញាបត្រនៅឡើយទេ។ ប្រភពស្និទ្ធនឹងសាលាម្នាក់បានអោយដឹងថា ភាពយឺតយ៉ាវនេះ មិនមែនបណ្តាលមកពីសាកលវិទ្យាល័យ IU ទេ តាមពិត ការយឺតយ៉ាវនេះ គឺបណ្តាលមកពីក្រសួងសុខាភិបាល។ ប្រភពដដែលបានអោយដឹងថា សញ្ញាបត្រនៃសាកលវិទ្យាល័យ IU ត្រូវចុះហត្ថលេខាដោយក្រសួងពីរ គឺក្រសួងអប់រំ និងក្រសួងសុខាភិបាល។ ក្រសួងអប់រំបានចុះហត្ថលេខារួចហើយ តែនៅសល់ក្រសួងសុខាភិបាល៕

ប្រភព ThmeyThmey

Sunday, June 7, 2015