លោកនាយកបឋមសិក្សាវត្តឈូកក្រពុំបាត់គោ៣ក្បាល ៣ថ្ងៃក្រោយប្រទះឃើញសល់តែគ្រោងឆ្អឹង ~ KAS4UAll

លោកនាយកបឋមសិក្សាវត្តឈូកក្រពុំបាត់គោ៣ក្បាល ៣ថ្ងៃក្រោយប្រទះឃើញសល់តែគ្រោងឆ្អឹង

រាជធានីភ្នំពេញ៖ មេគោ២ក្បាលដែលជារបស់លោកនាយកសាលាបឋមសិក្សាវត្តឈូកក្រពុំ ត្រូវបានក្រុមចោរលួចយកទៅកាប់ពន្លះយកសាច់ និងកូនឈ្មោល០១ក្បាល ត្រូវបានក្រុមចោរវាយសម្លាប់ចោលនៅក្បែរគំនរគ្រោងឆ្អឹងមេ ហើយត្រូវបានប្រជាពលរដ្ឋប្រទះឃើញមានសភាពហើមស្អុយរលួយដង្កូវចោះទៅ ហើយ ។
ហេតុការណ៍នេះបង្កឱ្យមានការភ្ញាក់ផ្អើលកាលពីល្ងាច ថ្ងៃទី០៥ មិថុនា២០១៥ នៅក្នុងចម្ការប្រងខ្យល់ ស្ថិតក្នុងភូមិស្រែរាជ្ជះ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។ ម្ចាស់គោខាងលើនោះត្រូវគេស្គាល់ឈ្មោះ ស៊ីវ សុវណ្ណារិទ្ធ ភេទប្រុស អាយុជាង៣០ឆ្នាំ ជានាយកសាលាបឋុមសិក្សាវត្តឈូកក្រពុំ មានទីលំនៅក្នុងភូមិស្នោរ សង្កាត់ស្នោរ ខណ្ឌពោធិ៍សែនជ័យ ។
តាមប្រភពព័ត៌មានបានឲ្យដឹងថា នៅវេលាយប់កើតហេតុខាងលើ លោកនាយកសាលាបានចងគោនៅក្នុងក្រោលក្បែរផ្ទះ បន្ទាប់មកគាត់ និងក្រុមគ្រួសារបានចូលដេក ហើយបានលង់លក់រហូត ដោយមិនបានដឹងថា ចោរចូលលួចដឹកគោយកទៅឡើយ ។
លុះពេលភ្ញាក់ពីដំណេកវិញ ស្រាប់តែបាត់មិនឃើញគោ ទើបមានការភ្ញាក់ផ្អើល ហើយបានដើររកគ្រប់ទីកន្លែង ប៉ុន្តែមិនបានឃើញឡើយ។ លុះរយៈពេល៣ថ្ងៃក្រោយមក មានប្រជាពលរដ្ឋនៅក្នុងភូមិស្រែរាជ្ជះ បានទៅបត់ជើងនៅត្រង់ចំណុចក្នុងចម្ការប្រេងខ្យល់ខាងលើធំ ក្លិនស្អុយចម្លែកបានដើរទៅមើលក៏បានប្រទះឃើញគ្រោងឆ្អឹង និងក្បាលគោទើបប្រាប់អ្នកភូមិជាមួយគ្នាឲ្យទៅមើលទើបមានការ ភ្ញាក់ផ្អើលតែម្តង។
បន្ទាប់មក លោកនាយកសាលាខាងលើ បានទៅមើលហើយបានស្គាល់ថា ជាគោរបស់ខ្លួនដែលក្រុមចោរលួចដឹកយកចេញពីក្រោល កាលពី៣ថ្ងៃមុន៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព

ប្រភព Koh Santepheap

Sunday, June 7, 2015